नोकरीच्या शोधात असलेल्या तरुणांसाठी सुवर्णसंधी आहे. चंद्रपूर महानगरपालिकेत विविध पदांसाठी भरती जाहीर करण्यात आली आहे. एकूण १३ जागांसाठी ही भरती केली जाणार आहे. २९ ऑगस्ट २०२४ ही नोकरीसाठी अर्ज करण्याची शेवटची तारीख आहे.

मेडिकल ऑफिसर, मायक्रो बायोलॉजिस्ट, पब्लिक हेल्थ मॅनेजर, फार्मासिस्ट, ANM या पदांसाठी ही भरती केली जाणार आहे. मेडिकल ऑफिसर म्हणून उमेदवारांना MBBS पदवी उत्तीर्ण असणे गरजेचे आहे. उमेदवाराकडे महाराष्ट्र मेडिकल काउन्सिलचे रजिस्ट्रेशन प्रमाणपत्र असणे आवश्यक आहे.

मायक्रो बायोलॉजिस्ट पदासाठी उमेदवाराकडे MBBS, MD पदवी प्राप्त असणे गरजेचे आहे. याच उमेदवाराने महाराष्ट्र मेडिकल काउन्सिलचे रजिस्ट्रेशन सर्टिफिकेट असणे गरजेचे आहे.

पब्लिक हेल्थ मॅनेजर या पदासाठी उमेदवाराने MBBS/ BDS/ BAMS/ BHMS/ BUMS यापैकी पदवी असणे गरजेचे आहे. फार्मासिस्ट पदासाठी उमेदवाराने विज्ञान शाखेतून बारावी उत्तीर्ण असणे आवश्यक आहे. त्याचसोबत D.Pharm किंवा B.Pharm उत्तीर्ण असणे आवश्यक आहे. या उमेदवारांकडे ANM प्रमाणपत्र असणे आवश्यक आहे.

या भरतीत अर्ज करणाऱ्या उमेदवारांना संबंधित क्षेत्रातील कामाचा अनुभव असणे गरजेचे आहे. या भरतीत ३८ वर्षांपेक्षा कमी वयोगटातील उमेदवार अर्ज करु शकतात.

मेडिकल ऑफिसर पदासाठी ६०,००० रुपये पगार दिला जाणार आहे.मायक्रोबायोलॉजिस्ट पदासाठी ७५,००० रुपये पगार दिला जाणार आहे. तर पब्लिक हेल्थ मॅनेजर पदासाठी ३२,००० रुपये पगार दिला जाणार आहे. तर फार्मासिस्ट पदासाठी १७००० रुपये पगार दिला जाणार आहे.