सरकारी नोकरी करण्याची इच्छा असणाऱ्या तरुणांसाठी नोकरीची सुवर्णसंधी आहे. बृहन्मुंबई महानगरपालिकेत भरती सुरु आहे. २६ पदांसाठी ही भरती केली जाणार आहे. रजिस्ट्रार आणि हाउस ऑफिसर पदासाठी ही भरती होणार आहे. या नोकरीसाठी अर्ज करण्याची शेवटची तारीख १६ जुलै २०२४ आहे.

या नोकरीसाठी उमेदवारांनी ऑफलाइन पद्धतीने अर्ज करायचा आहे. १६ जुलै २०२४ नंतर अर्ज ग्राह्य धरले जाणार नाही. मुख्य वैद्यकीय अधीक्षक आणि एचओडी (हेल्थ केअर सर्व्हिसेस), के. बी. भाभा हॉस्पिटल, वांद्रे (पश्चिम), आर. के. पाटकर मार्ग, मुंबई येथे अर्ज पाठवायचा आहे.

या नोकरीमध्ये उमेदवाराची रजिस्ट्रार पदासाठी निवड झाल्यास तुम्हाला ७६,८४८ मासिक वेतन मिळेल. तर इन हाउस ऑफिसर पदासाठी ७६,१०४ रुपये मासिक वेतन दिले जाईल.

या नोकरीसाठी उमेदवाराची वयोमर्यादा ३३ वर्ष निश्चित करण्यात आली आहे. राखीव प्रवर्गातील उमेदवारांसाठी ३८ वर्ष वयाची अट निश्चित करण्यात आली आहे. या नोकरीसाठी निवड झाल्यास दिलेल्या ठिकाणी उमेदवाराने रुजू होणे गरजेचे आहे. तसेच निवड झालेला उमेदवार पुढील ३ वर्षांसाठी कुठे अर्ज करण्यालाठी पात्र नसेल.