Bank Jobs: बँकेत नोकरी करण्याचे स्वप्न पाहणाऱ्यांसाठी आनंदाची बातमी आहे. बँक ऑफ बडोदामध्ये नोकरीची सुवर्णसंधी आहे. बँक ऑफ बडोदामध्ये करस्पॉन्डंट सुपरवायजर पदासाठी ही भरती केली जाणार आहे. या नोकरीबाबत सर्व माहिती bankofbaroda.in या वेबसाइटवर देण्यात आली आहे. नोकरीसाठी अर्जप्रक्रियादेखील सुरु झाली आहे.

बँक ऑफ बडोदाच्या या भरतीसाठी उमेदवार ३१ ऑगस्टपर्यंत अर्ज करु शकतात. जर तुमची बँकेत नोकरी करण्याची इच्छा असेल तर लवकरात लवकर अर्ज करावेत. या नोकरीसाठी जास्तीत जास्त ६५ वयोगटातील उमेदवार अर्ज करु शकतात.सेवानिवृत्त झालेले उमेदवार या नोकरीसाठी अर्ज करु शकतात. या कर्मचाऱ्यांनी बँकेत काम केलेले असावे.

जर फ्रेशर्स उमेदवारांना अर्ज करायचा असेल तर उमेदवाराने Msc (IT)/BE (IT),MCA,MBA केलेले असावे. फ्रेशर्ससाठी उमेदवारांची वयोमर्यादा २१-४५ निश्चित करण्यात आली आहे.

ही भरती बँक ऑफ बडोदाच्या उदयपूर शाखेसाठी केली जाणार आहे. उमेदवारांना स्थानिक भाषांचे ज्ञान असावे. या नोकरीसाठी अर्ज करणाऱ्या १५०००- २०,००० रुपये मासिक वेतन मिळणार आहे.

याचसोबत अनेक बँकामध्ये सध्या भरती सुरु आहे. आयबीपीएसद्वारे ही भरती केली जाणार आहे. अनेक पदांसाठी भरतीची अधिसूचना जाहीर केली आहे. यामध्ये ११ नॅशनल बँकामध्ये नोकरी मिळण्याची शक्यता आहे. तसेच स्टेट बँक ऑफ इंडियामध्ये अधिकारी पदासाठी भरती सुरु आहे. या नोकरीसाठीदेखील तुम्ही अर्ज करु शकतात.