पंजाबमधून धक्कदायक बातमी समोर आली आहे. कबड्डी खेळताना एका तरुण खेळाडूचा मृत्यू झाला आहे. हृदयविकाराच्या झटक्याने त्याचा मृत्यू झाल्याचे म्हटलं जात आहे. या घटनेने खेळाडूंमध्ये भीतीचे वातावरण पसरले आहे. सदर मृत खेळाडूचे नाव बिट्टू बलिहाल असे आहे. तसेच या घटनेनंतर मृत खेळाडूच्या कुटुंबियांवर दुःखाचा डोंगर कोसळला आहे.

मिळालेल्या माहितीनुसार, पंजाबमधील रूपलहेरी पंचायतीने आयोजित केलेल्या कबड्डी स्पर्धेत संगरूर जिल्ह्याजवळील भवानीगड येथील गावात भव्य कबड्डी स्पर्धा भरवण्यात आली होती. दोन गटात चुरशीची लढत चालू होती. या सामन्यादरम्यान बिट्टू बलिहाल समोरील टीम समोर रेड टाकण्यासाठी गेला. या दरम्यान त्याला श्वास घेता आला नाही.

त्याच्या छातीत दुखू लागले आणि तो जागीच कोसळला. त्यानंतर त्याला गावातील नागरिकांनी तातडीने रुग्णालयात दाखल केले. मात्र रुग्णालयात दाखल करण्यापूर्वी त्याचा मृत्यू झाला असल्याचे डॉक्टरांनी सांगितले. डॉक्टरांनी सांगितल्यानुसार या तरुण खेळाडूचा मृत्यू हृदयविकाराच्या झटक्याने झाला आहे. या घटनेनंतर गावात भीतीदायक वातावरण निर्माण झाले.

सर्व आयोजकांनी आणि गाव परिषदेने तरुण खेळाडूच्या मृत्यूबद्दल तीव्र शोक व्यक्त केला जात आहे. या घटनेनंतर खेळाडूच्या कुटुंबियांवर दुःखाचा डोंगर कोसळला आहे. गावकऱ्यांनी मृत खेळाडूच्या कुटुंबाला आर्थिक मदत करण्याचा निर्णय घेतला आहे. दरम्यान खेळाडूंच्या हृदयविकाराच्या झटक्याने मृत्यू होण्याच्या घटना वाढल्या आहेत.