पश्चिम बंगाल सरकारने मंगळवारी पोलीस प्रशासनाच्या वरिष्ठ स्तरावर मोठा प्रशासकीय फेरबदल केलाय. राज्यातील पोलीस दलातील २८ भारतीय पोलीस सेवा (IPS) अधिकारी आणि ५ पश्चिम बंगाल पोलीस सेवा (WBPS) अधिकाऱ्यांच्या बदल्या केल्या आहेत. राज्याच्या गृह विभागाने जारी केलेल्या अधिकृत अधिसूचनेनुसार हा फेरबदल करण्यात आलाय.

यामध्ये गुन्हे अन्वेषण विभागाचे (CID) अतिरिक्त महासंचालक (ADG) सुप्रतिम सरकार यांच्यासह अनेक वरिष्ठ पोलीस अधिकाऱ्यांची खाती बदलण्यात आली आहेत. सरकारी अधिसूचनेनुसार, सीआयडीचे एडीजी सुप्रतिम सरकार यांची बदली करून त्यांची एडीजी (टेलिकॉम) म्हणून नियुक्ती करण्यात आलीय. याआधी 'करेक्शनल सर्व्हिसेस'चे महासंचालक असलेले एन. आर. बाबू यांची सीआयडीचे नवीन महासंचालक आणि पोलीस महानिरीक्षक (डीजी आणि आयजीपी) म्हणून नियुक्ती करण्यात आली आहे.

दरम्यान निवडणूक आयोगाने सुप्रतिम सरकार यांना पोलीस आयुक्तपदावरून हटवले होतं. एप्रिल २०२६ मध्ये झालेल्या पश्चिम बंगाल विधानसभा निवडणुकांदरम्यान निवडणूक आयोगाने सुप्रतिम सरकार यांची कोलकाता पोलीस आयुक्त (CP) पदावरून बदली केली होती. बिधाननगर आणि उत्तर बंगालमध्ये नवीन अधिकाऱ्यांची नियुक्ती एका प्रशासकीय आदेशाद्वारे बिधाननगर पोलीस आयुक्तालय आणि उत्तर बंगालच्या सुरक्षा व्यवस्थेत मोठे बदल करण्यात आले आहेत.

त्रिपुरारी अथर्व यांच्या जागी अमित कुमार राठोड यांच्याकडे बिधाननगर पोलीस आयुक्तालयाची जबाबदारी सोपवण्यात आलीय. उत्तर बंगालचे अतिरिक्त महासंचालक (ADG) जयरामन यांची आर्थिक गुन्हे संचालनालयाचे संचालक म्हणून नियुक्ती करण्यात आली आहे.