Viral Video: सोशल मीडियावर लहान मुलांचे अनेक व्हिडिओ व्हायरल होत असतात. लहान मुलांच्या बाललिला पाहून कधी हसायला येते तर कधी त्यांच्या धाडसाचे कौतुकही करावेसे वाटते. सध्या सोशल मीडियावर असाच एक व्हिडिओ व्हायरल होताना दिसत आहे.

ज्यामधील चिमुरडी तिच्या होणाऱ्या नवऱ्याबद्दल विचारुन विचारुन अगदी घर डोक्यावर घेते. (Latest Marathi News)

लग्न हा प्रत्येकाच्याच आयुष्यातील खास आणि आनंदाचा क्षण. प्रत्येकजण या दिवसाची वाट पाहत असताना दिसत असतो. पण एखादी लहान मुलगी तिच्या पतीबद्दल विचारायला लागली तरज प्रत्येकालाच हसु येते. सध्या व्हायरल होत असलेल्या व्हिडिओमध्येही असाच बालहट्ट पाहायला मिळत आहे.

काय आहे हा व्हिडिओ..

व्हिडिओमध्ये एक लहान मुलगी जमिनीवर बसून आवरताना दिसत आहे. तिला पाहून तिची आई कुठे चाललीसं असे विचारते. यावर ती मुलगी माझ्या नवऱ्याकडे असे उत्तर देते. कुठे आहे तुझा नवरा असा विचारताच ती मामा असे उत्तर देते.

यानंतर ती महिला मुलीला सांगते की, मामा मामीचा नवरा आहे, पप्पा मम्मीचा नवरा आहे, नाना आजीचा नवरा आहे. यावर मुलगी पुन्हा रडते आणि ‘मग माझा नवरा कोण’ असे म्हणते. मग ती बाई म्हणते की ‘तो कुठेतरी खेळत असावा बेटा’. आता हे ऐकून मुलगी पुन्हा एकदा रडते आणि ‘माझा नवरा कुठे गेला’ असे म्हणू लागते. 

सोशल मीडिया प्लॅटफॉर्म इन्स्टाग्रामवर creation_patelk नावाच्या आयडीसह मुलीचा हा मजेशीर व्हिडिओ शेअर करण्यात आला आहे. व्हिडिओला नेटकऱ्यांची जोरदार पसंती पाहायला मिळत असून हा व्हिडिओ आतापर्यंत 4.6 मिलियन वेळा पाहिला गेला आहे, तर 46 लाख 1 हजारांहून अधिक लोकांनी या व्हिडिओला लाइक देखील केले आहे. (Viral Video)