kanpur News : आज हनुमान जयंतीनिमित्त सर्वत्र हनुमान मंदिरे भाविकांनी भरली आहेत. दर्शनासाठी सकाळपासून भाविकांनी मंदिरामध्ये गर्दी केल्याचे दिसले. अशात सध्या सोशल मीडियावर हनुमंताच्या रडण्याचा व्हिडिओ व्हायरल झाला आहे. हा व्हिडिओपाहून सर्वचजण चकित झालेत. देवाचा हा चमत्कार की संकट अशा चर्चा सुरू झाल्या आहेत. (Hanuman Crying )

दरम्यान, कानपूर महानगरातील चकेरी पोलीस स्टेशन परिसरातील कोयला नगर येथील हा व्हिडिओ असल्याचे समजले आहे. येथे पोलीस स्टेशन परिसरात असलेल्या मारूती मंदिरात हा व्हिडिओ रेकॉर्ड करण्यात आला असून शेजारी एक पोलीस शिवाई असल्याचे दिसत आहेत. सदर व्हिडिओ व्हायरल होताच हा चमत्कार पाहण्यासाठी भाविकांनी येथे एकच गर्दी केली.

व्हिडिओ खरा आहे की खोटा हे जाणून घेण्याची उत्सूकता लोकांच्या मनात शिगेला पोहचली. अशात सदर घटना पोलिसांना समजल्यावर त्यांनी देखील या मंदिरात येऊन सदर घटनेची पाहानी केली. त्यावेळी पोलिस देखील देवाच्या दर्शनाला आले आहेत असं समजून या ठिकाणी मोठी गर्दी उफाळून आली.

दरम्यान समोर आलेल्या माहितीनुसार, हा व्हिडिओ फेक असल्याचे म्हटले आहे. एका व्यक्तीने हा व्हिडिओ स्वत: इडीट करून पोस्ट केला आहे. तसेच हनुमान देवाची मुर्ती रडत असल्याचे यात दाखवण्यात आले आहे. मात्र हे खरे नसून सदर व्हिडिओ खोटा असल्याचा दावा पोलिसांनी केला आहे.