वृत्तसंस्था: पंजाबमधील पटियाला येथे मिरवणूक काढताना दोन हिंसाचार (Violence) सुरु आहे. यावेळी पोलिसांवर (police) देखील दगडफेक करण्यात आली आहे. मिळालेल्या माहितीनुसार, मिरवणूक काढण्यावरून तणाव निर्माण झाला होता. मिरवणुकीत खलिस्तान जिंदाबादच्या घोषणाही देण्यात आले होते. या घटनेत अनेक पोलीस (police) कर्मचारी जखमी झाले आहेत.

हे देखील पाहा-

मिरवणूक काढण्यावरून खलिस्तान समर्थकांमध्ये हाणामारी

मिळालेल्या माहितीनुसार, खलिस्तानविरोधात मोर्चा काढत होते. तेव्हा खलिस्तान समर्थकांनी या मोर्चाला विरोध केला. काही वेळातच दोन गटांमध्ये मोठ्या प्रमाणात हाणामारी (Fighting) झाली. काही खलिस्तानी समर्थक लंगर भवनावर चढले आणि त्यांनी दगडफेक सुरू केली.

परिस्थिती नियंत्रणात आणण्यासाठी मोठा पोलीस बंदोबस्त तैनात

परिस्थिती चिघळत असल्याचे पाहून मोठा पोलीस बंदोबस्त तैनात करण्यात आला आहे. परिस्थिती नियंत्रणात आणण्यासाठी पोलिसांनी हवाई गोळीबारही (Firing) केला आहे. एका संघटनेने पोलिसांवर दगडफेक केली, तर दुसऱ्या संघटनेने पोलिसांवर तलवारीने हल्ला केल्याचे सांगण्यात येत आहे.

मिळालेल्या माहितीनुसार, दोन्ही संघटना मिरवणुकीच्या स्वरूपात फव्वरा चौकाकडे जाण्याचा प्रयत्न करत होते. मात्र, दोघांनाही तिथे जाण्याची परवानगी नव्हती, असे पोलिसांचे म्हणणे आहे. या गदारोळात एक एसएचओ जखमी झाल्याची माहिती मिळाली आहे. ३ ते ४ पोलीस कर्मचारी जखमी झाले आहेत.

Edited By- Digambar Jadhav