उत्तराखंडच्या सितारगंजमधून एक घृणास्पद घटना समोर आली आहे. १४ वर्षांच्या मुलाने त्याच्या तीन वर्षांच्या चुलत बहिणीवर बलात्कार केला. आरोपी मुलगा पीडित मुलीला धार्मिकस्थळी घेऊन गेला होता. धार्मिक स्थळाच्या संस्थापकाने सीसीटीव्ही फुटेजमध्ये मुलाचे कृत्य पाहिले. त्यानंतर हे प्रकरण उघडकीस आलं. तक्रारीच्या आधारे पोलिसांनी गुन्हा दाखल करून आरोपी मुलाला ताब्यात घेतले आहे.

ही घटना शनिवारी घडल्याची माहिती आहे. दुपारी धार्मिकस्थळी वस्तू विखुरलेल्या होत्या. धार्मिक स्थळाच्या संस्थापकाने त्या विखुरलेल्या वस्तू पाहिल्या. नंतर सीसीटीव्ही तपासले. सीसीटीव्ही पाहिल्यानंतर हे प्रकरण उघडकीस आलं. फुटेज पाहून त्यांना धक्का बसला. यात एक किशोरवयीन मुलगा अल्पवयीन मुलीवर बलात्कार करत होता.

संस्थापकाने तातडीने पोलिसांना याची माहिती दिली. पोलीस घटनास्थळी दाखल झाले. त्यांनी सीसीटीव्ही फुटेज ताब्यात घेतले. व्हिडिओच्या आधारे आरोपी आणि मुलीची ओळख पटवण्यासाठी पोलिसांनी पथक तयार केले. पोलिसांनी आरोपी १४ वर्षांच्या मुलाला ताब्यात घेतलं. तसेच तीन वर्षांच्या मुलीचाही शोध घेतला.

रविवारी रात्री पोलिसांनी मुलीला तिच्या कुटुंबासह रूग्णालयात पाठवले. तेथे मुलीवर उपचार सुरू आहेत. मुलीची वैद्यकीय तपासणीही करण्यात आली. पोलिसांनी या प्रकरणी गुन्हा दाखल केला असून, पुढील तपास सुरू आहे.