Uttar Pradesh Crime : देशात एकीकडे महिला अत्याचारांच्या घटनेत वाढ होत असताना, दुसरीकडे उत्तरप्रदेशातून एक विचित्र घटना समोर आली आहे. एका ३२ वर्षीय महिलेनं १७ वर्षीय मुलाचे अपहरण करत त्याच्यावर बलात्कार केला आहे. याप्रकरणी पोलिसांनी दोन महिन्यांनंतर संशयित महिलेला अटक केली आहे. उत्तरप्रदेशातील चित्रकूट जिल्ह्यात ही घटना घडली आहे. (Latest Marathi News)

नेमकं काय घडलं?

एका हिंदी वृत्तवाहिनीने दिलेल्या माहितीनुसार, आरोपी महिला ही चित्रकूट (Uttar Pradesh) जिल्ह्यातील राजापूर पोलिस स्टेशनच्या हद्दीतील रगौली परिसरात राहते. ऑक्टोबर २०२२ मध्ये या महिलेने घराशेजारी राहणाऱ्या १७ वर्षीय मुलाचं अपहरण केलं. त्यानंतर त्याला एका हॉटेलमध्ये नेऊन वारंवार बलात्कार केला.

दरम्यान, मुलाच्या अपहरणाची तक्रार  (Crime News) कुटुंबीयांनी पोलिसांत दाखल केली होती. त्यानंतर पोलिसांनी सदरील मुलाचा तपास सुरू केला होता. यावेळी मुलगा हा प्रयागराज येथे असल्याची माहिती पोलिसांना मिळाली. पोलिसांनी एका हॉटेलमधून त्याला ताब्यात घेतलं.

पोलीस येत असल्याचं कळताच आरोपी महिलेने पळ काढला होता. आता दोन महिन्यानंतर या महिलेला पोलिसांनी ताब्यात घेतलं आहे. या महिलेनं आपल्याला वेगवेगळे अमिष दाखवून तसेच फूस लावून पळवून नेलं होतं, असा जबाब १७ वर्षीय मुलाने पोलिसांना दिला आहे. या घटनेचा तपास पोलीस करीत आहे.

Edited By - Satish Daud