Uttar Pradesh Fatehpur Accident 3 Dies News उत्तर प्रदेशातील फतेहपूरमध्ये मेव्हणीला गाडीतून पळवून नेत असताना भावोजीने सासू-सासऱ्यांना चिरडले असल्याची घटना घडली. या दुर्घटनेत मेव्हण्यासह तिघांचा मृत्यू झाला असून चार जण जखमी झाले आहेत. पोलिसांनी या प्रकरणी तपास सुरु केला आहे. दरम्यान या घटनेने परिसरात खळबळ उडाली.

मिळालेल्या माहितीनुसार, उत्तर प्रदेशातील फतेहपूर जिल्ह्यात सदर घटना घडली आहे. आरोपीचे नाव दीपक सोनीने असे आहे. त्याचं त्याच्या बायकोच्या चुलत बहिणीचं लग्न त्याच्या नात्यातील एका तरुणाशी करायचे होते. यासाठी पंचायतीसमोर विषय देखील मांडण्यात आला. पंचायतीने त्या दोघांच्या लग्नाला विरोध केला, तसेच हे लग्न मान्य नसल्याचे म्हटले. यावर कोणताही तोडगा निघाला नसल्याने दिपकने तिला पळवून घेऊन जाण्याचा निर्णय घेतला. त्याने त्यासाठी लग्नाची तयारी देखील केली होती. मात्र कुटुंबीयांचा विरोध असल्याने दिपकने तिला पळून घेऊन जाण्याचा मार्ग स्वीकारला.

काही दिवसांपूर्वी आरोपीने त्याच्या मेव्हणीला पळवून नेण्याचा प्रयत्न देखील केला होता. मात्र कुटुंबियांच्या हस्तक्षेपामुळे ते यशस्वी होऊ शकले नाहीत. रविवारी आरोपी दिपकने पळून जाण्याचा प्लॅन तयार केला. ठरलेल्या प्लॅननुसार, ते एका चारचाकी कारमधून पळून जात होते. इतक्यात तिथे दिपकचा मेव्हणा आणि सासू सासरे आडवे आले. मात्र भरधाव वेगात असलेल्या कारने तिघांना जागीच चिरडलं.

या दुर्घटनेत तिघांचा मृत्यू झाला तर, एकाची प्रकृती गंभीर आहे. जखमींना तातडीने रुग्णालयात दाखल करण्यात आले आहे. या घटनेमुळे संपूर्ण जिल्ह्यात घबराट पसरली आणि तणावपूर्ण परिस्थिती लक्षात घेता पोलीस अधीक्षकांनी मोठा पोलीस बंदोबस्त तैनात केला.