Donald Trump Republican Party election setback : अमेरिकेत पार पडलेल्या मध्यावधी निवडणुकीच्या सुरुवातीच्या निकालांमध्ये डोनाल्ड ट्रम्प यांच्या रिपब्लिकन पक्षाला मोठा धक्का बसला असून पक्षाची मोठी पिछेहाट झाली आहे. सुरूवातीच्या कलांमध्ये डोनाल्ड ट्रम्प यांचा रिपब्लिकन पार्टी पिछाडीवर आहे. हे सुरूवातीचे कल आहेत. सिनेट आणि प्रतिनिधीगृह या दोन्ही सभागृहात डोनाल्ड ट्रम्प यांना बहुमत मिळाले नाही, तर हा मोठा धक्का मानला जातोय. (Donald Trump Republican Party election setback)

४३५ जागांच्या प्रतिनिधीगृहाच्या ११५ जागांचे निकाल हाती आले आहेत. यामध्ये डेमोक्रॅटिक पक्षाने ७५ जागांवर दणदणीत विजय मिळवला आहे, तर डोनाल्ड ट्रम्प यांच्या रिपब्लिकन पक्षाला केवळ ४० जागांवर समाधान मानावे लागले आहे. दरम्यान, तज्ज्ञांच्या मते, इराण युद्धामुळे निर्माण झालेल्या महागाईने आधीच त्रस्त असलेल्या अमेरिकन जनतेचा संताप ट्रम्प यांच्यासाठी असह्य ठरू शकतो. दक्षिण कॅरोलिना, फ्लोरिडा, न्यू हॅम्पशायर, व्हर्जिनिया आणि केंटकी येथेही मतदान पूर्ण झाले असून, निकाल लवकरच उपलब्ध होतील.

सिनेटच्या निवडणुकीतही ट्रम्प यांना मोठा धक्का बसला आहे. ३९ जागांपैकी रिपब्लिकन पक्षाला फक्त १० जागांवर विजय मिळाला आहे, तर डेमोक्रॅटिक पक्षाने १५ जागा जिंकल्या असून त्यांना बहुमतासाठी आता केवळ ६ जागांची गरज आहे. जॉर्जिया राज्यातुन डेमोक्रॅटिक पक्षाचे सीनेटर जॉन ओसॉफ (Jon Ossoff) यांनी पुन्हा एकदा विजय मिळवत सीनेटमध्ये आपले स्थान कायम ठेवले आहे. जॉन ओसॉफ यांनी रिपब्लिकन पक्षाचे उमेदवार माइक कॉलिन्स (Mike Collins) यांचा पराभव केला आहे.

डोनाल्ड ट्रम्प यांना मोठा धक्का:

अमेरिकेचे राष्ट्राध्यक्ष डोनाल्ड ट्रम्प यांनी रिपब्लिकन उमेदवार माइक कॉलिन्स यांचे समर्थन केले होते. अशा स्थितीत ओसॉफ यांचा हा विजय ट्रम्प यांच्यासाठी मोठा धक्का मानला जात आहे. निवडणुकीच्या प्रचारादरम्यान जॉन ओसॉफ यांनी ट्रम्प यांच्या धोरणांवर आणि भूमिकेवर उघडपणे टीका केली होती.