रोेहित कदम, साम टीव्ही

अमेरिका आणि इराण यांच्यातील हवाई हल्ल्यांमुळे आखातातील तणाव टोकाला गेलाय. अपाचे लढाऊ हेलिकॉप्टर पाडल्यामुळे चवताळलेल्या अमेरिकेनं इराणवर अत्याधुनिक टॉमहॉक क्षेपणास्त्रांचा जोरदार मारा केलाय. तर अमेरिकेच्या कारवाईनं पेटलेल्या इराणनंही जोरदार

इराणने बहरीनमधील अमेरिकेच्या पाचव्या नौदल ताफ्याच्या पॅट्रियट प्रणालीचे रडार आणि संप्रेषण अँटेना उद्ध्वस्त केले आहेत. याशिवाय, कुवेतमधील 'अली अल सलेम' आणि 'अहमद अल जुबेर' एअरबेस, बहरीनचा 'शेख ईसा' हवाई तळ आणि इराकच्या इरबिलमधील एअरबेससह एकूण 18 तळांवर इराणच्या जॉइंट मिलिटरी कमांडने जोरदार क्षेपणास्त्रं मारा केलाय. तर जॉर्डनमधील इस्त्रायलचं अजराक एअरबेस आणि थाड मिसाईल प्रणाली इराणनं भेदलीये. महत्त्वाचं म्हणजे, जॉर्डनमधील इस्त्रायलची मुख्य क्षेपणास्त्र नष्ट करण्यात आली आहेत.

इतकंच नव्हे तर इराणनं जागतिक व्यापारासाठी अत्यंत महत्त्वपूर्ण असणारा होर्मुझ जलमार्ग पुर्णपणे बंद केलाय. दरम्यान, इराण-अमेरिकेतील वाढत्या तणावाच्या पार्श्वभूमीवर संयुक्त राष्ट्रानंही गंभीर इशारा दिलाय. तात्काळ हल्ले थांबवून मुत्सद्देगिरीचा मार्ग स्वीकारण्याचं आवाहन संयुक्त राष्ट्रानं केलंय. इराणनं अमेरिकेच्या आखाती देशांमधील लष्करी तळांवर हल्ला केल्यानं कुवेत, बहरीन आणि जॉर्डनमध्ये युद्धजन्य परिस्थिती निर्माण झालीये. या देशांतील नागरिकांना तात्काळ सुरक्षित ठिकाणी जाण्याचे आवाहनही करण्यात आलंय. त्यामुळे इराण-अमेरिका यांच्यातील संघर्षामुळे संपूर्ण जग पुन्हा एकदा युद्धाच्या खाईत लोटलं जाण्याची शक्यता निर्माण झाली आहे.