जर तुम्ही भीक देऊन पुण्य कमावण्याच्या विचारात असाल तर जरा थांबा. कारण आता भिकाऱ्याला भीक देणं हा गुन्हा ठरणार आहे. 1 जानेवारी 2025 पासून भिकाऱ्याला भीक देणाऱ्यांवर गुन्हे दाखल करण्याचा निर्णय प्रशासनानं घेतलाय. भिकाऱ्यांना भीक देणं आता गुन्हा झालाय. त्यामुळे पुण्य कमावण्याच्या नादात तुम्ही थेट तुरुंगात जाऊ शकता.

भिकाऱ्यांना भीक देणं गुन्हा का झालाय पाहुया..

भीक द्याल तर जेलमध्ये जाल

केंद्रीय सामाजिक न्याय मंत्रालयाची भिकारी मुक्त शहरं करण्याची मोहीम

भीक मागण्याविरोधात जनजागृतीसाठी इंदूरमध्ये मोहिमेला सुरुवात

भीक मागण्यावर बंदी घालण्याचे प्रशासनाचे आदेश

भीक देताना पकडला गेला तर गुन्हा दाखल होणार

जिल्हाधिकाऱ्यांनी भीक न देण्याचं केलं आवाहन

भिकारी मुक्त शहरं करण्यासाठी हा निर्णय घेण्यात आला असून या मोहिमेदरम्यान अनेक धक्कादायक खुलासे झालेत. यावेळी अनेक भिकाऱ्यांची पक्की घरं आहेत, काहींची मुलं ही बँकेत काम करतात तर काही भिकाऱ्यांनी व्याजानं पैसे दिल्याचा खुलासा प्रकल्प अधिकाऱ्यांनी केलाय. या मोहिमेची अंमलबजावणी करतांना ३० ते ४० भिकाऱ्यांची सुटका केल्याचं देखिल सांगितलंय.

मध्य प्रदेशात हा निर्णय झाला. नवीन वर्षापासून तिथं या निर्णयाची अंमलबजावणी होणारेय. परंतू केवळ शहर भिकारीमुक्त करण्यापेक्षा त्या भिकाऱ्यांच्या हाताला काम देऊन त्यांना भिक मागण्यापासून परावृत्त करणं हे देखिल तितकंच महत्वाचं आहे.