देशाचे वरिष्ठ सभागृह असलेल्या राज्यसभेतील नेतेपदी जेपी नड्डा यांची नियुक्ती करण्यात आलीय. जे. पी. नड्डा हे भारतीय जनता पक्षाचे राष्ट्रीय अध्यक्ष देखील आहेत. यावेळी नवे सरकार आल्यानंतर त्यांच्याकडे आरोग्य मंत्रालयाची जबाबदारीही देण्यात आलीय. याआधीही नरेंद्र मोदी सरकारच्या पहिल्या कार्यकाळातही जे.पी. नड्डा यांच्याकडे आरोग्य मंत्रालयाची जबाबदारी होती.

पीयूष गोयल यांच्या जागी भाजपचे अध्यक्ष राज्यसभेवर आले आहेत. नड्डा यांच्याकडे केंद्रीय आरोग्य मंत्रालय आणि खते आणि रसायन मंत्रालयाचीही जबाबदारी देण्यात आलीय. येत्या २७ जूनपासून राज्यसभेचे अधिवेशन सुरू होणार आहे. या अधिवेशनात नड्डा हे सत्ताधारी पक्षाचे नेते म्हणून भूमिका बजावणार आहेत.