भोपाळ - भाजपच्या ज्येष्ठ नेत्या उमा भारती (Uma Bharti) यांनी रविवारी भोपाळमधील एका दारूच्या दुकानात घुसून दगडफेक करून दारूच्या बाटल्या फोडल्या. याभागात दारूच्या दुकानबाबद उमा भरती प्रचंड संतापल्या. त्याचा व्हिडिओ त्यांनी स्वतः सोशल मीडियावर शेअर केला आहे. प्रत्यक्षात दारूबंदीबाबत उमा भारतींनी दारू दुकानांबाहेर आंदोलन करण्याची घोषणा केली आहे.

या वर्षी जानेवारी महिन्यात मध्य प्रदेश सरकारने दारू स्वस्त केली होती. तर सत्ताधारी पक्ष भाजपच्या (BJP) नेत्या आणि माजी मुख्यमंत्री उमा भारती यांनी गेल्या वर्षी म्हटले होते की, 15 जानेवारी 2022 पर्यंत दारू बंदी होईल. मात्र तारीख संपायच्या अवघ्या दोन दिवसांपूर्वी दारूबंदी तर दूरच, शिवराज मंत्रिमंडळाने नवीन दारू धोरण जाहीर केले.

नवीन दारू धोरणांतर्गत विदेशी मद्यावरील उत्पादन शुल्क 10 वरून 13 टक्के करण्यात आले आहे. इंग्रजी आणि देशी दारू एकाच दुकानात उपलब्ध असेल. द्राक्षांव्यतिरिक्त, बेरीपासून वाइन देखील बनवण्यास परवानगी देण्यात आली आहे. लोक पूर्वीपेक्षा चारपट जास्त दारू घरात ठेवू शकतील. ज्या व्यक्तीचे वार्षिक उत्पन्न एक कोटी रुपये आहे, ते आता घरीही बार उघडू शकेल. सध्या राज्यात 2544 देशी दारू आणि 1061 विदेशी दारूची दुकाने आहेत.