सुप्रीम कोर्टात शिवसेना पक्ष आणि चिन्हाची सुनावणी सुरु असताना दुसरीकडे उपमुख्यमंत्री एकनाथ शिंदेंनी 6 फुटीर खासदारांसह पंतप्रधान नरेंद्र मोदींची भेट घेतली...मात्र याचं भेटीवरून आता नवा वाद पेटलाय...पंतप्रधांनाना विद्यार्थ्यांना भेटायला वेळ नाही, मात्र गद्दारांना ते लगेच भेटतात, अशी टीका उद्धव ठाकरेंनी मोदींवर केलीय... तसचं फुटीर खासदारांना मोदींनी मी तुमच्या पाठिशी आहे, असं आश्वासन दिल्याचाही आरोप करत मोदी गद्दारांचे नवे स्वामी असल्याची खरमरीत टीकाही ठाकरेंनी मोदींवर केलीय..

दुसरीकडे फुटीर खासदारांची भेट घेऊन पंतप्रधान मोदी न्यायालयावर दबाव आणण्याचा प्रयत्न करत असल्याचा आरोप राऊतांनी केलाय. त्याला भाजपानं प्रत्युत्तर दिलयं....सुप्रीम कोर्टात शिवसेनेच्या वादावर सुनावणी सुरू आहे. आणि त्याच दरम्यान एकनाथ शिंदे आणि पंतप्रधान मोदी यांची बंददाराआड भेट झाल्यामुळे आता यावरून उलटसुलट चर्चा सुरू झालीय. ठाकरेसेनेनं या भेटीवर थेट आरोप केल्यामुळे न्यायालयाच्या निकालाबाबत आणखीनच उत्सुकता वाढलीय.