अजमेर : जिल्ह्यातील परबतपुरा बायपासवर Parbatpura Bypass दोन ट्रकच्या दरम्यान एक भीषण रस्ता अपघात झाला आहे. ज्यामध्ये दोन्ही ट्रकचे चालक-सहायक जागीच ठार झाले आहेत. आदर्श नगर पोलीस ठाण्याचे प्रभारी आपल्या टीमसह तातडीने घटनास्थळी पोहोचले आहेत. घडलेल्या परिस्थितीचा आढावा घेत अग्निशमन विभागाला कळवण्यात आल्याची माहिती आहे.

हे देखील पहा-

या अपघातात 4 लोकांचा जागीच मृत्यू झाला आहे. त्यांचे मृतदेह बाहेर काढणे खूप कठीण होते. अग्निशमन विभागाचे कर्मचारी आणि महामार्ग संघाच्या मदतीने अपघातानंतर लागलेली आग आटोक्यात आणण्यात आली.

घटनेची माहिती मिळताच अतिरिक्त एसपी घटनास्थळी पोहचले आणि त्यांनी माहिती दिली की, संगमरवरी आणि पावडरने भरलेले दोन ट्रक बेवार आणि अजमेर येथून येत होते. त्यापैकी बेवारकडून येणाऱ्या ट्रकच्या चालकाला डुलकी लागली आणि ट्रकने अनियंत्रितपणे दुभाजकाला धडकली आणि दुसऱ्या ट्रकला जोरात धडकली. ज्यामुळे आग लागली आणि आग इतकी भीषण होती की दोन्ही ट्रकच्या चालक-सहायकांना बाहेर पडण्याची संधी मिळाली नाही आणि जाळून त्यांचा जागीच मृत्यू झाला .

स्थानिक रहिवाशांनी तत्काळ पोलीस प्रशासनाला कळवले आणि सर्वांनी लगेच मृत व्यक्तींना बाहेर काढले. यासह, आदर्श नगर पोलीस स्टेशन मृत व्यक्तीच्या नातेवाईकांना माहिती देण्यात आली आहे.

Edited By-Sanika Gade