Canada-US Border: अमेरिका आणि कॅनडा बॉर्डरवर आठ जणांचा बुडून मृत्यू झाल्याची दुर्देवी घटना समोर आली आहे. मृतांमध्ये तीन भारतीयांचा समावेश आहे. कॅनडातून अमेरिकेते बेकायदेशीर प्रवेश करताना सेंट लॉरेन्स नदीत ही घटना घडली आहे.

मिळालेल्या माहितीनुसार, गुजरातच्या मेहसाना जिल्ह्यातील मानेकपुरामधील चौधरी कुटुंब बोटीतून सेंट लॉरेन्स नदी मार्गाने कॅनडातून अमेरिकेत शिरण्याच्या प्रयत्नात होतं. चौधरी कुंबियांसह एक रोमानियन कुटुंबही बोटीमध्ये होतं. मात्र नदी ओलांडत असताना त्यांची बोट उलटली. बोटीतील सर्वांना या अपघातात जीव गमवावा लागला आहे. (Latast Marathi News)

या बोट अपघतात वडिलांसह दोन मुलांचा मृत्यू झाला आहे. मृतांमध्ये प्रवीण वेलजीभाई चौधरी (वय 50 वर्ष), मुलगी विधि प्रवीणभाई चौधरी (23 वर्ष) आणि मुलगा मीत प्रवीणभाई चौधरी (20 वर्ष) यांचा समावेश आहे. घटनेची माहिती समोर आल्यानंतर गावात शोककळा पसरली.

दोन्ही कुटुंब ज्या बोटने प्रवास करत होते ती बोट लहान होती. बोटीत क्षमतेपेक्षा जास्त जण बसले होते. दरम्यान जोरदार वारा आणि खराब हवामानामुळे ही बोट उलटली असावी असा अंदाज वर्तवला जात आहे.