वृत्तसंस्था: आजपासून संसदेचे (Parliament) अर्थसंकल्पीय अधिवेशन (Budget Session) सुरु झाले आहे. यातच विरोधकांनी मोदी सरकारला (Narendra Modi) घेरण्याची तयारी सुरु केली आहे. दुसरीकडे पंतप्रधान मोदींनी अधिवेशनामध्ये सर्वांनी चर्चा करावी आणि देशाला प्रगतीच्या दिशेने नेण्याकरिता उत्तम चर्चा व्हावी असे आवाहन करण्यात आले आहे. (The world faith in India PM Modi)

हे देखील पहा-

अर्थसंकल्पीय अधिवेशन आजपासून सुरु होत आहे. मी या अधिवेशनामध्ये सर्वांचे स्वागत करत आहे. आज वैश्विक स्तरावर भारताकरिता (India) खूप संधी आहे. देशाची आर्थिक प्रगती, लसीकरण (Vaccination) कार्यक्रम, मेड इन इंडिया वॅक्सिनविषयी जगात एक विश्वास तयार झाला आहे.

या अधिवेशनामध्ये यावर मुक्त चर्चा होणार आहे, जेणेकरुन जगभरामध्ये एक विश्वास तयार होणार आहे, अशी चर्चा व्हावी, असे यावेळी मोदी म्हणाले आहेत. पंतप्रधान मोदी म्हणाले की, सर्व राजकीय पक्षामधील सदस्य खुल्या मनाने उत्तम चर्चा करुन देशाला पुढे नेण्याकरिता नक्कीच मदत करणार आहेत. ही गोष्ट खरी आहे की वारंवार निवडणुकांमुळे (election) अधिवेशन प्रभावित होत असतात.

मात्र, मी सर्व सदस्यांना विनंती करतो की निवडणुका आपल्या जागी त्या चालत राहतील. मात्र आपण अधिवेशनात फलदायी चर्चा करणार आहोत. पंतप्रधान म्हणाले की, मुक्त आणि मानवी संवेदनांसह चर्चा करुन आगामी वर्षात नव्या आर्थिक उंचीवर नेण्यासाठी प्रयत्न करणार आहोत.

Edited By- Digambar Jadhav