अमेरिकेत एका महिला शिक्षिकेला 6 वर्षांपेक्षा जास्त काळ तुरुंगवासाची शिक्षा सुनावण्यात आली आहे. महिला शिक्षिकेने आपल्या मुलाच्या अल्पवयीन मित्राला फूस लावून त्याच्याशी शेकडोवेळा संबंध ठेवले. तिला 2020 मध्ये फ्लोरिडामध्ये अटक करण्यात आली होती. एका रिपोर्टनुसार, महिला शिक्षिकेचे एका हायस्कूलच्या विद्यार्थ्यासोबत जवळपास एक वर्षापासून संबंध होते.

मात्र, विद्यार्थ्याच्या वयाबाबत अनेकवेळा प्रश्न निर्माण झाला. सुरुवातीला, मुलाचे वय 15 वर्षे असल्याचे सांगण्यात आले, परंतु न्यायालयाने त्याचे वय 12 वर्षांपेक्षा जास्त आणि 16 वर्षांपेक्षा कमी असल्याचे सांगितले. आरोपी शिक्षिकेची लैंगिक गुन्हेगार म्हणून नोंद करण्यात येणार असल्याचे न्यायालयाच्या कागदपत्रांमध्ये म्हटले आहे. महिला शिक्षिकेने तिच्या मुलाच्या अल्पवयीन मित्रासोबत वर्षभरात शेकडो वेळा लैंगिक संबंध ठेवले. ही महिला जवळपास दररोज त्याचे शोषण करत असे. मुलासोबत लैंगिक संबंध ठेवण्याची घटना त्यांच्या घरी, त्यांच्या कारमध्ये आणि समुद्रकिनाऱ्यावर घडल्याचे न्यायालयाला सांगण्यात आले.

एस्कॅम्बिया काउंटी स्कूलचे जिल्हा अधीक्षक माल्कम थॉमस यांनी सांगितले की, आरोपी महिला शिक्षिकेने जेई हॉल सेंटरमधील शिक्षण संसाधन विशेषज्ञ म्हणून तिच्या पदाचा राजीनामा दिला आहे. रिपोर्टनुसार, महिला शिक्षिकेच्या मुलाच्या मित्राने अधिकाऱ्यांसमोर कबूल केले की तो एका वर्षाहून अधिक काळ महिलेसोबत शारीरिक संबंध ठेवत होता. किशोरने एस्कॅम्बिया काउंटी शेरीफ ऑफिसच्या तपासकर्त्यांना सांगितले की त्यांच्यातील लैंगिक संबंध तो 15 वर्षांचा होता आणि महिला शिक्षिका 39 वर्षांची होती तेव्हापासून सुरू झाले होते.

Edited By: Pravin Dhamale