एका शिक्षकाला महिलेला सीपीआर देणे महागात पडलं आहे. शिक्षकावर महिलेच्या छातीला चुकीच्या पद्धतीने हात लावल्याचा आरोप होत आहे. महिलेच्या आरोपानंतर शिक्षकाने म्हटलं की, सीपीआर देणे ठाऊक आहे. माझ्या सीपीआर देण्याच्या पद्धतीवर कोणीही प्रश्न उपस्थित केले नाहीत. महिलेच्या आरोपामुळे शिक्षकाचं टेन्शन वाढलं आहे.

मीडिया रिपोर्टनुसार, संपूर्ण प्रकरण चीनचं आहे. सेंट्रल हुनान प्रांतात हेंनयांगमध्ये १२ जुलै रोजी एक महिला रस्त्यावर अचानक कोसळली. महिला कोसळल्यानंतर एक महिला डॉक्टर सीपीआर द्यायला पोहोचली. महिला डॉक्टर सीपीआर देऊन थकली. त्यानंतर तिने दुसऱ्यांना मदतीसाठी विनंती केली. त्यानंतर पॅन नावाचा व्यक्ती मदतीसाठी पुढे आला.

मेडिकल शाळेत शिक्षक असलेला पॅन मदतीसाठी धावले. त्यांना सीपीआर देण्याची पद्धत ठाऊक होती. महिला डॉक्टर आणि पॅन यांनी आळीपाळीने मिळून महिलेला सीपीआर दिला. त्यानंतर डॉक्टरने रुग्णवाहिकेला बोलावून घेतलं. १० मिनिटांनंतर महिला शुद्धीवर आली आणि तिने डोळे उघडले. महिलेला रुग्णवाहिकेच्या मदतीने रुग्णालयात दाखल केले.

सीपीआर देतानाचा व्हिडिओ सोशल मीडियावर व्हायरल झाला. व्हिडिओ व्हायरल झाल्यानंतर नेटकऱ्यांनी पॅन यांच्यावर महिलेला चुकीच्या पद्धतीने हात लावल्याचा आरोप केला. नेटकऱ्यांच्या टीकेमुळे पॅन यांनी म्हटलं की, 'मला भीती वाटत आहे. मला माहीत असतं की, माझ्यावर टीका होईल. तर मी मदतीसाठी पुढे आलो नसतो'.