Viral Video :आजकाल प्रत्येक व्यक्ती सोशल मीडियावर अॅक्टीव आहे. तरुणाईसह लहान मुलं आणि आनेक वृद्ध व्यक्तींना देखील रील्स व्हिडिओ बनवण्याचं वेड लागलं आहे. शाळेत प्रत्येक विद्यार्थी शिक्षण घेण्यासाठी जात असतो. मात्र एका शिक्षिकेने मुलांबरोबर रील व्हिडिओ बनवला आहे. हा व्हिडिओ पाहून कदाचीत तुम्हाला या शिक्षिकेचा राग येऊ शकतो. कारण शिक्षिका एका भोजपुरी गाण्यावर वर्गात जबरदस्त ठुमके मारत आहे आणि विद्यार्थ्यांनी देखील तिच्याबरोबर ताल धरला आहे.

शाळेत (School) महिला शिक्षिकांना आजवर तुम्ही ओरडताना, शिक्षा करताना किंवा मुलांना काही गोष्टी सांगताना पाहिलं असेल. अशात व्हायरल होत असलेल्या व्हिडिओमध्ये शिक्षिकेने सुंदर साडी नेसली आहे. वर्गात सर्व मुल मुली आपआपल्या जागेवर आहेत आणि शिक्षीका 'पतली कमरीया...' या भोजपूरी गाण्यावर डान्स(Dance) करत आहे. शाळेतील सर्व विद्यार्थी देखील तिला यात साथ देताना दिसत आहेत. त्यांचा हा व्हिडिओ सोशल मीडियावर जोरदार व्हायरल होत आहे.

सोशल मीडियावर या १० सेकंदाच्या व्हिडिओने हवा केली आहे. काही युजर शिक्षिकेचे ठुमके पाहून आम्ही शाळेत असताना आम्हाला अशी मॅडम का नाही मिळाली, असं म्हणत आहेत. काही तासांतच या व्हिडिओला ५० हजारांहून अधिक लोकांनी पाहिले आहे. तसेच या व्हिडिओला २६०० पेक्षा जास्त लाईक्स मिळाले आहेत. @Gulzar_sahab या ट्वीटर अकाऊंटवर हा व्हिडिओ शेअर करण्यात आलाय.

या व्हिडिओवर आलेल्या मजेशीर कमेंट्स देखील लक्ष वेधनाऱ्या आहेत. एका युजरणे लिहिले आहे की, आमच्या मॅडमतर रोज हातात छडी घेऊन यायच्या. व्हिडिओवर मजेशीर प्रतिक्रियेसह काहींनी यावर नाराजी देखील व्यक्त केली आहे. प्रत्येकाने आपल्या पदाचे भान ठेवावे, असे एकाने कमेंटमध्ये म्हटले आहे.