तमिळनाडूमध्ये एक धक्कादायक बातमी समोर येत आहे. तमिळनाडूमध्ये एक व्हॅन दरीत कोसळली आहे. या अपघातात ९ जणांचा मृत्यू झाला आहे. केरळच्या मलप्पुरम जिल्ह्यातून येणाऱ्या या व्हॅनचा अपघात झाला आहे. हा अपघात खूप भीषण होता. वलपराई-पोल्लाची या डोंगराळ भागातून व्हॅन जाताना हा अपघात झाला आहे.यात नऊ जणांचा दुर्दैवी मृत्यू झाला आहे तर चौघेजण जखमी आहेत.

केरळच्या मल्लपुरम जिल्ह्यातील १३ जणांना ही व्हॅन घेऊन जात होती. वलपराई-पोल्लाची या डोंगराळ भागातून खाली उतरत असताना चालकाचा गाडीवरचा ताबा सुटला. वळण घेत असताना व्हॅनने एका बॅरिकेटला धडक दिली आणि व्हॅन दरीत कोसळली. या व्हॅनचा चक्काचुर झाला आहे. या घटनेचा व्हिडिओ समोर आला आहे.

या अपघातात ८ जणांचा जागीच मृत्यू झाला आहे. त्यात सात महिला आणि एका पुरुषाचा समावेश आहे. चालक गंभीर जखमी आहे. यानंतर एका व्यक्तीचा उपचारादरम्यान मृत्यू झाला. मृत व्यक्तींपैकी काही जण मल्लपुरम शाळेतील शिक्षक होते. ते वलपराईला जाऊन घरी परतत होते. मात्र, वाटेतच त्यांच्यावर काळाने घाला घातला. या घटनेनंतर पंतप्रधान मोदींना शोक व्यक्त केला.