लग्नाचं आश्वासन देऊन महिलांवर अत्याचार झाल्याच्या अनेक घटना घडल्या आहेत. लग्नाचे आश्वासन देऊन अत्याचार केल्याच्या प्रकरणात अनेक आरोपींना शिक्षाही मिळाल्या आहेत. मात्र, एका प्रकरणात कोर्टाने लग्नाचं वचन देऊन ठेवलेले शारीरिक संबंध दुष्कर्म ठरत नसल्याचं म्हटलं आहे. कोर्टाच्या या निर्णयाची सर्वत्र चर्चा होत आहे.

लग्नाचं वचन देऊन तरुणीच्या तक्रारीनंतर सूरत सत्र न्यायालयात गुरुवारी सुनावणी झाली. या प्रकरणात लग्नाचं आश्वासन देऊन ठेवलेले शारीरिक संबंध दुष्कर्म ठरत नसल्याचे म्हटल्याने आरोपीची मुक्तता करण्यात आली. परस्पर संमतीने लैगिक संबंध ठेवल्यानंतर लग्नास नकार दिल्याने दुष्कर्म ठरत नसल्याचं म्हटलं.

पीडत तरुणीने आरोपीसोबत हॉटेल आणि रेस्टॉरेंटमध्ये कोणत्याही दबावाखाली ओळखपत्र दिलं नाही. यासाठी कोणतीही जबरदस्ती करण्यात आली नव्हती. लग्न होऊ शकत नसल्याची जाणीव असतानाही तरुणीने शारीरिक संबंध ठेवल्याचे कोर्टाने म्हटलं.

काय आहे प्रकरण?

सोशल मीडियाच्या माध्यमातून ओळख झाली. मिळालेल्या माहितीनुसार, आरोपी हा एमटेकचं शिक्षण घेत होता. दोघांमध्ये ओळख वाढत गेली. त्यानंतर दोघांमध्ये सोशल मीडियावर बोलणं वाढलं. मैत्री वाढत गेली, त्यानंतर दोघे प्रेमात पडले.

दोघांनी शारीरिक संबंध ठेवली. काही दिवसांनी तरुणीने पोलिसांत धाव घेत तक्रार दाखल केली. सुरुवातीला तरुणाने लग्नाचं वचन दिलं. आता तरुण लग्नास नकार देत असल्याचे म्हणत तरुणीने पोलिसांत तक्रार दिली. पुढे कोर्टात प्रकरण पोहोचलं. तीन वर्ष कोर्टात प्रकरण सुरु राहिल्यानंतर गुरुवारी कोर्टाने निकाल दिला.