पती पत्नीच्या एका प्रकरणात सर्वोच्च न्यायालयाने एक महत्त्वाचा निर्णय घेतला आहे. वैवाहिक प्रकरणात नवरा बायकोचे खाजगी कॉल रेकॉर्डिंग पुराव्यासाठी ग्राह्य धरले जाऊ शकते.असे सर्वोच्च न्यायालयाने म्हटले आहे. विशेष म्हणजे न्यायालयाने संमतीशिवाय कॉल रेकॉर्ड करणे हे गोपनीयतेचे उल्लंघन आहे. हा पंजाब आणि हरियाणा उच्च न्यायालयाचा आदेशही रद्द केला आहे.

न्यायमूर्ती बी व्ही नागरत्न आणि न्यायमूर्ती सतीश चंद्र शर्मा यांच्या खंडपीठासमोर या प्रकरणाची सुनावणी सुरु होती. मिळालेल्या माहितीनुसार, त्यांनी म्हटले आहे की, "काही युक्तिवाद असे देण्यात आले होते की, असे पुरावे स्वीकारल्याने घरगुती सुसंवाद आणि वैवाहिक संबंधावर परिणाम होईल आणि त्यामुळे पती पत्नीमधील हेरगिरीला चालना मिळेल. अशा परिस्थितीत पुरावा कायद्याच्या कलम १२२च्या मूळ उद्देशाचे उल्लंघन होते.

खंडपीठाने असे म्हटले आहे की,"हा युक्तिवाद वैध नाही. जर लग्न अशा टप्प्यावर पोहचलं असेल की पती पत्नी एकमेकांवर संशय घेत हेरगिरी करत असतील तर, हे तुटलेल्या नात्याचे लक्षण आहे. आणि हे लक्षण दोघांमध्ये विश्वासाचा अभाव असल्याचे दर्शवते.