नवी दिल्ली: घराच्या बांधकामासाठी पैशांची मागणी करणे हा हुंडा (Dowry) आणि गुन्हा असल्याचे सर्वोच्च न्यायालयाने (Supreme Court) म्हटले आहे. सरन्यायाधीश एनव्ही रमणा, न्यायमूर्ती एएस बोपण्णा आणि न्यायमूर्ती हिमा कोहली यांच्या खंडपीठाने सांगितले की, हुंडा या शब्दाचे विस्तृत अर्थाने वर्णन केले पाहिजे, जेणेकरून एखाद्या महिलेकडे कोणत्याही प्रकारची मागणी करणे मग त्यात मालमत्ता किंवा कोणत्याही मौल्यवान वस्तू असो. या प्रकरणी कनिष्ठ न्यायालयाने मृतकाचा पती आणि सासऱ्याला आयपीसी कलम-304-बी (हुंडा हत्या) आत्महत्येस प्रवृत्त करणे आणि हुंड्यासाठी छळ करणे या आरोपाखाली दोषी ठरवले (Supreme court says any think demand from in laws should be considered in dowry crime).

नेमकं प्रकरण काय?

आरोपी मृत महिलेकडे घर बांधण्यासाठी पैशांची मागणी करत होता, जे तिच्या कुटुंबीयांना देणे शक्य झालं नाही. मात्र त्यासाठी तिचा छळ करण्यात आला. त्यामुळे तिने आत्महत्या (Suicide) केली. या प्रकरणाच्या सुनावणीदरम्यान मध्य प्रदेश उच्च न्यायालयाने म्हटले की, घराच्या बांधकामासाठी पैशांची मागणी ही हुंड्याची (Dowry) मागणी मानली जाणार नाही. मात्र, सर्वोच्च न्यायालयाने ती फेटाळून लावली आहे.

एक महिलाच दुसऱ्या महिलेला वाचवत नसेल, तर हा गंभीर गुन्हा

दुसर्‍या हुंडा छळ (Dowry Crime) प्रकरणात सासूचे अपील फेटाळताना सर्वोच्च न्यायालयाने म्हटले आहे की, जेव्हा एखादी महिला दुसऱ्या महिलेला वाचवत नाही, तेव्हा तो गंभीर गुन्हा आहे. न्यायालयाने सासूला दोषी ठरवून तीन महिन्यांची शिक्षा सुनावलीये. खंडपीठाने म्हटले आहे की, एखादी महिला स्वत:च्या सुनेवर एवढी क्रूरता कशी करु शकते की ती आत्महत्येचे पाऊल उचलते, ही अत्यंत भयावह परिस्थिती आहे.

Edited By - Nupur Uppal