राज्याच्या शिक्षण व्यवस्थेला हादरवणारे दृश्ये समोर आली आहेत. सहावीच्या वर्गातील दोन मुली.... पेपर तपासताहेत तो एसएससी बोर्डाच्या मराठी विषयाचा.... आणि ही घटना घडलीय सातारा जिल्ह्यातील फलटण तालुक्यातील विडणी गावातील शाळेत....

सातारा जिल्ह्यातील फलटणच्या विडणीतील उत्तरेश्वर हायस्कूलच्या वैभव शेंडे या शिक्षकाने दहावीच्या मराठीच्या पेपर तपासणीसाठी मदत घेतलीय ती इयत्ता सहावीच्या दोन विद्यार्थिनींची...या धक्कादायक प्रकाराचा सीसीटीव्हीच समोर आलाय.

मात्र या प्रकरणी सरकारने कारवाईचे आदेश दिलेत... तर शिक्षकानेही आपली बाजू मांडलीय... एकीकडे कॉपीमुक्त परीक्षेचा फज्जा उडालाय... तर दुसरीकडे सहावीच्या विद्यार्थिनींना दहावीचे पेपर तपासायला दिल्याचा धक्कादायक प्रकार समोर आल्यानं राज्य माध्यमिक आणि उच्च माध्यमिक शिक्षणाची लक्तरं वेशीला टांगली गेलीयेत. त्यामुळे या कामचुकारपणा करणाऱ्या आणि दहावीच्या विद्यार्थ्यांच्या भविष्याशी खेळणाऱ्या शिक्षकावर कारवाई होणार का? याकडे राज्याचं लक्ष लागलंय.