श्रीलंकेतील (Sri Lanka) आर्थिक संकट अधिक गडद होत चालले आहे. त्यामुळे तेथील राजकारणात मोठी उलथापालथ सुरु आहे. आता श्रीलंकेचे राष्ट्रपती गोटाभाया राजपक्षे यांनी त्यांचे भाऊ महिंदा राजपक्षे (Mahinda Rajapaksa) यांना पंतप्रधानपदावरून हटवण्या संबंधी सहमती दर्शवली आहे. श्रीलंका सध्या आर्थिक संकटाचा सामना करतं आहे. या पार्श्वभूमीवर श्रीलंकेत सरकारविरोधात आंदोलने सुरु झाले आहेत. आंदोलक राष्ट्रपती गोटाभाया राजपक्षे आणि पंतप्रधान महिंदा राजपक्षे (Mahinda Rajapaksa) यांच्या राजीनाम्याची मागणी करत आहेत.

हे देखील पाहा

आर्थिक संकटाचा सामना करणाऱ्या श्रीलंकेत महागाईने उच्चांक गाठला आहे. श्रीलंकेत खाद्यपदार्थांसाठी नागरिक रस्त्यावर उतरले आहेत. श्रीलंकेत आंतरराष्ट्रीय पर्यटकांची कमतरता, जीवनावश्यक वस्तूंची निर्यात मंदावणे आणि आयात वाढणे यामुळे ही परिस्थिती उद्भवली आहे. श्रीलंकेतील परकीय चलनाचा साठा कमी झाला आहे.

२०१९ च्या निवडणुकीपूर्वी श्रीलंकेतील सत्ताधारी पक्ष एसएलपीपीने दोन मोठी आश्वासने दिली होती. पहिला कर कमी करणार, आणि दुसरा शेतकऱ्यांना दिलासा देण्याचा निर्णय घेणार. सरकार स्थापन झाल्यानंतर ही आश्वासने पूर्ण करण्यासाठी पावले उचलण्यात आली. त्यामुळे सरकारची तिजोरी अधिकच रिकामी झाली.

Edited By- Santosh Kanmuse