Bihar Road Accident Latest News

भरधाव वेगात असलेल्या स्कॉर्पिओने समोरून जात असलेल्या दुचाकीला जोरदार धडक दिली. त्यानंतर कार अनियंत्रित होऊन विरुद्ध दिशेने येणाऱ्या ट्रकवर आदळली. या घटनेत दुचाकीस्वारासह ९ जणांचा जागीच मृत्यू झाला. काळजाचा ठोका चुकवणारा हा अपघात बिहारच्या कैमूर जिल्ह्यात रविवारी (२५ फेब्रुवारी) सायंकाळी झाला. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

अपघातानंतर रस्त्यावर मोठी वाहतूक कोंडी झाली होती. पोलिसांनी तातडीने घटनास्थळी धाव घेत मृतदेह ताब्यात घेतले. मृतांची ओळख अद्याप पटली नसून मृतांमध्ये दोन महिलांचा समावेश असल्याची माहिती आहे. अपघातात कुणीही जखमी नसल्याचं पोलिसांनी सांगितलं आहे.

प्रत्यक्षदर्शींनी दिलेल्या माहितीनुसार, अपघातग्रस्त स्कॉर्पिओ (Accident News) सासारामहून वाराणसीच्या दिशेने जात होती. या कारमधून ८ जण प्रवास करीत होते. देवकाळी गावाजवळ स्कॉर्पिओ येताच चालकाचा गाडीवरील ताबा सुटला. भरधाव वेगाने येणाऱ्या स्कॉर्पिओने दुचाकीस्वाराला धडक दिली. (Latest Marathi News)

त्यानंतर कार दुभाजक तोडून विरुद्ध दिशेने येणाऱ्या कंटनेरला धडकली. हा अपघात इतका भीषण होता, की दुचाकीसह स्कॉर्पिओचा अक्षरश: चुराडा झाला. या घटनेत दुचाकीस्वारासह स्कॉर्पिओमधून प्रवास करणाऱ्या ८ जणांचा जागीच मृत्यू झाला.

या घटनेनंतर राष्ट्रीय महामार्ग NH-2 वर बराच वेळ वाहतूक कोंडी झाली होती. अपघाताची माहिती मिळताच मोहनिया ठाण्याचे पोलीस घटनास्थळी दाखल झाले. त्यांनी मृतदेह शवविच्छेदनासाठी पाठवले आहे. मृतांच्या कुटुंबीयांना घटनेची माहिती देण्यात आली आहे.