काही दिवसांपूर्वी उत्तरप्रदेशच्या रामपूर जिल्ह्यातील एका महिलेने लग्नाच्या दिवशीच काही तासांतच एका चिमुकलीला जन्म दिला असल्याची घटना घडली. ही घटना ताजी असतानाच अशीच एक धक्कादायक घटना मध्यप्रदेशातून समोर आली आहे. मध्य प्रदेशच्या ग्वाल्हेरमध्ये एका महिला लग्न होण्यापूर्वी २ महिन्यांची गरोदर असल्याचं उघडं झालं आहे. या घटनेने गावात खळबळ उडाली.

मिळालेल्या माहितीनुसार, संबंधित महिलेचं २८ दिवसांपूर्वी लग्न झालं होत. ती नवऱ्यासोबत सासरी गुण्यागोविंदाने नांदत होती. मात्र काही दिवसांनी तिच्या अचानक पोटात दुखू लागलं. त्यानंतर तिच्या सासरच्या मंडळींनी तिला रुग्णालयात दाखल केलं. अल्ट्रासाऊंड रिपोर्टमध्ये ती दोन महिन्यांपेक्षा जास्त काळ गरोदर असल्याचे उघड झाले.

या धक्कादायक रिपोर्टनंतर संबंधित महिलेच्या माहेरच्या मंडळींनी महिलेला गर्भपात करण्यास भाग पाडलं. या प्रकरणी महिलेच्या पतीने तिच्यावर आणि तिच्या कुटुंबियांना धारेवर धरतं फसवल्याच्या गुन्ह्याखाली तक्रार दाखल केली. यानंतर पोलिसांनी मात्र अद्याप कोणताही गुन्हा दाखल केला नाही. मात्र या घटनेने गावात चर्चांना उधाण आले असून खळबळ उडाली आहे.