तेलंगणामध्ये भयंकर घटना घडली आहे. किन्नरच्या प्रेमात वेडा झालेल्या तरुणाने आपली बायको आणि दोन मुलांना सोडून दिलं. हा तरूण सध्या किन्नरसोबत राहतो. ही घटना चांगलीच चर्चेत आली आहे. 'मला दिपू खूप आवडतो आणि माझं तिच्यावर प्रेम आहे.', असं म्हणत या तरुणाने किन्नरकडेच राहण्याचा निर्णय घेतला.

तेलंगणातील जगतियाल जिल्ह्यात ही घटना घडली. याठिकाणी एक तरुण बायको आणि दोन मुलांना सोडून किन्नरसोबत राहत आहे. जगतियाल जिल्ह्यातल्या कस्बेमध्ये राहणाऱ्या बिंगी राजशेखरचे लग्न २०१४ मध्ये पेम्बटला गावातील लास्या नावाच्या तरुणीसोबत झाले होते. राजशेखरला दोन मुलं आहेत. दोघांचाही संसार चांगला सुरू होता. अशात राजशेखर हैदराबादमधील एका किन्नरच्या संपर्कात आला आणि त्याचा जीव या किन्नरवर जडला.

राजशेखर किन्नर दिपूच्या प्रेमात इतका वेडा झाला की त्याने आपली पत्नी लास्याला आणि दोन मुलांना सोडून दिलं. जेव्हा त्याची बायको लास्याला याची माहिती मिळाली तेव्हा तिला मोठा धक्का बसला. मानसिक धक्का बसलेल्या लास्याने आत्महत्येचा प्रयत्न केला. तिच्या कुटुंबियांनी तिला रुग्णालयात दाखल केले. सध्या रुग्णालयात तिच्यावर उपचार सुरू आहेत. लास्याला रुग्णालयात दाखल केले याची माहिती सांगून देखील राजशेखर आपल्या बायकोला भेटायला आला नाही.

त्यानंतर राजशेखरच्या सासरची मंडळी चिंतेत आली. त्यांनी त्याचा शोध सुरू केला. यावेळी राजशेखरला किन्नर दिपूसोबत त्यांनी रंगेहाथ पकडले. त्यांनी राजशेखरला किन्नर दिपूच्या घरामध्येच पकडले. संतप्त झालेल्या राजशेखरच्या सासऱ्यांनी त्याला घरामध्ये कोंडून ठेवलं. त्याने त्यांना सांगितले की, 'माझं दिपूवर प्रेम आहे आणि यापुढे मी तिच्यासोबत इथेच राहणार आहे.' त्यानंतर लास्याच्या कुटुंबीयांनी राजशेखर आणि किन्नरविरोधात पोलिस ठाण्यात तक्रार दाखल केली. पोलिस सध्या या प्रकरणाची चौकशी करत आहेत.