एक अतिशय धक्कादायक घटना समोर येत आहे. पोलीस कॉन्स्टेबलनं तीन वर्षीय मुलासमोर त्याच्या आईवर लैंगिक अत्याचार केला आहे. जेव्हा गर्भवती महिला विरोध करत होती, तेव्हा नराधमाने तिच्या तोंडात कापडाचा गोळा कोंबला. ही संतापजनक घटना राजस्थानच्या जयपूरमध्ये घडली आहे. या घटनेची माहिती मिळताच पीडित महिलेच्या पतीनं आरोपी पोलीस कॉन्स्टेबलवर गुन्हा दाखल केलाय.

जयपूरमध्ये महिला दिनी एक संतापजनक घटना घडली आहे. एका पोलीस कॉन्स्टेबलनं गर्भवती महिलेवर लैंगिक अत्याचार केला आहे. पोलीस कॉन्स्टेबल महिलेची फिर्याद नोंदवण्यासाठी तिच्या घरी गेला होता. यादरम्यान तिचा तीन वर्षांचा मुलगा देखील त्या ठिकाणी उपस्थित होता.

आरोपी कॉन्स्टेबलनं त्यानंतर महिलेला एका हॉटेलमध्ये नेलं. तिला हॉटेलमध्ये नेत तिच्यावर जबरदस्ती केली. तसेच तिच्यावर लैंगिक अत्याचार केला. लैंगिक अत्याचार करत असताना महिलेनं विरोध केला. त्यावेळेस कॉन्स्टेबलनं महिलेच्या तोंडात कापडाचा गोळा कोंबला. नंतर पोलीस कॉन्स्टेबल तेथून पसार झाला.

पीडित महिला जेव्हा घरी गेली, तेव्हा तिनं आपल्या पतीला आपबिती सांगितली. महिलेच्या पतीनं थेट पोलीस ठाणे गाठात आरोपी कॉन्स्टेबल विरोधात गुन्हा दाखल केला. आरोपी पोलीस कॉन्स्टेबल जयपूरमधील सांगानेर पोलीस ठाण्यात तैनात असून, आरोपीचा शोध पोलीस करीत आहेत.