Summary -

• बंगळुरूमध्ये सॉफ्टवेअर इंजिनीअरने केली आई-वडिलांची निर्घृण हत्या

• चाकूने सपासप वार करत दोघांनाही जागीच संपवलं

• तरुणाचे वडील निवृत्त नेव्ही कॅप्टन आणि आई डॉक्टर होती

• आरोपीला पोलिसांनी अटक केली

कर्नाटकच्या बंगळुरूमध्ये सॉफ्टवेअर इंजिनीअरने आपल्या आई-वडिलांची निर्घृण हत्या केली. या घटनेमुळे बंगळुरूमध्ये खळबळ उडाली आहे. या तरुणाने आई आणि वडिलांची चाकूने वार करत हत्या केली. या तरुणाचे वडील रिटायर्ड नेव्ही कॅप्टन आणि त्याची आई डॉक्टर होती. या प्रकरणी पोलिसांनी आरोपीविरोधात गुन्हा दाखल करत त्याला अटक केली. पोलिस त्याची चौकशी करत आहेत.

पोलिसांनी दिलेल्या माहितीनुसार, ही घटना विज्ञाननगर येथील आदर्श विस्टा अपार्टमेंटमध्ये घडली. बुधवारी सकाळी सडेसात वाजताच्या सुमारास या तरुणाने आई-वडिलांवर चाकूने वार केले. या हल्ल्यात गंभीर जखमी झालेल्या तरुणाच्या आई आणि वडिलांचा जागीच मृत्यू झाला. नवीन चंद्र भट (६० वर्षे) आणि डॉ. श्यामला भट (५५ वर्षे) अशी हत्या झालेल्या नवरा-बायकोची नावं होती.

तरुणाने आई-वडिलांवर चाकूने हल्ला केला. घटनेची माहिती मिळताच पोलिसांनी घटनास्थळी धाव घेतली. दोघांनाही गंभीर जखमी अवस्थेत रुग्णालयात हलवण्यात आले. पण डॉक्टरांनी उपचारापूर्वीच त्यांना मृत घोषीत केले. कौटुंबीक वादातून ही हत्या झाल्याचा प्राथमिक अंदाज पोलिसांनी वर्तवला आहे.

आरोपी रोहन चंद्र भट हा सॉफ्टवेअर इंजिनीअर आहे. तो स्वत:चा व्यवसाय देखील करायचा. या तरुणाने आई-वडिलांची हत्या का केली यामागचे कारण शोधले जात आहे. या तरुणाची बहीण अमेरिकेत राहते. तिला घटनेची माहिती देण्यात आली आहे. पोलिस पुढील तपास करत आहेत.