कानपूरमधून एक मोठी आणि धक्कादायक बातमी समोर आली आहे. एका ४ वर्षांच्या चिमुकल्याच्या गळ्याला टॉफी चिकटल्याने गुदमरून त्याचा मृत्यू झाला आहे. या घटनेमुळे आजूबाजूच्या परिसरात एकच खळबळ माजली आहे.

दरम्यान या घटनेनंतर त्या मुलाच्या वडिलांनी टॉफी बनवणाऱ्या कंपनीविरोधात तक्रार केली होती. मात्र संध्याकाळपर्यंत कुटुंबीयांनी तक्रार मागे घेतली. कुटुंबीयांनी पोलिसांना याप्रकरणी कोणतीही कारवाई नको असल्याचं लेखी कळवलंय.

ही संपूर्ण घटना कानपूरमधील बारा विभागातील आहे. मिळालेल्या माहितीनुसार, ४ वर्षांचा निरागस अन्वीत टॉफी खात होता, यावेळी अचानक टॉफी त्याच्या घशात अडकली. त्यामुळे त्यांना श्वास घेण्यास त्रास होऊ लागला. कुटुंबीयांनी त्यांना तातडीने रुग्णालयात दाखल केलं. मात्र रूग्णालयात तासाभरानंतर त्याचा मृत्यू झाल्याचं समजलं.

असं सांगण्यात येतंय की, ज्या कंपनीमुळे मुलाचा मृत्यू झाला ती टॉफी बनवणारी कंपनी इंदूर जिल्ह्यातील नोंदणीकृत आहे. ही कंपनी प्रसिद्ध ब्रँड किंडर जॉयच्या प्रती बनवते. अन्वितच्या कुटुंबीयांनी यापूर्वी टॉफी उत्पादक कंपनीविरोधात तक्रार दाखल केली होती. गुन्हा दाखल करताना पोलिसांनी कारवाईचे आश्वासनही दिलं होतं. मात्र कुटुंबीयांनी ही तक्रार मागे घेतली.

दरम्यान पालकांनी देखील चिमुकल्या मुलांना काहीही खायला देताना काळजी घ्यावी. या घटनेमुळे आसपासच्या परिसरातील लोकांमध्ये खासकरून पालकांमध्ये भीतीचं वातावरण आहे.