वृत्तसंस्था: केंद्रीय सामाजिक न्याय राज्यमंत्री रामदास आठवले (ramdas athawale) यांच्या पक्षाला महाराष्ट्र विधानसभा (maharashtra assembly) निवडणुकीमध्ये खूप महत्व मिळत असताना दिसत नाही. मात्र, मणिपूरमध्ये (manipur) रिपाइंचा १ उमेदवार आघाडीवर आहे. ही आघाडी कायम ठेवून रिपाइंच्या उमेदवाराने बाजी मारली आहे, तर रिपाइंचा ५ दशकानंतर महाराष्ट्राच्या (Maharashtra) बाहेरील राज्यात हा पहिलाच विजय असणार आहे.

हे देखील पहा-

या अगोदर डॉ. बाबासाहेब आंबेडकर यांनी स्थापन केलेल्या शेड्यूल कास्ट फेडरेशनचे उत्तर प्रदेशामध्ये (Uttar Pradesh) आणि पंजाबमध्ये आमदार होते. अगदी रिपब्लिकन पक्ष उदयाला आल्यानंतर देखील ही स्थिती होती. मात्र, रिपाइंच्या फाटाफुटीमुळे रिपाइंला महाराष्ट्राबाहेर कधीच यश मिळाले नव्हते. आता मणिपूरमध्ये उमेदवार जिंकल्यास रिपाइंचे हे महाराष्ट्राबाहेर असलेले पहिले यश असणार आहे. शिवाय रिपब्लिकन चळवळीमध्ये जिंकण्याची उभारी भरण्यासाठी हा विजय अत्यंत महत्त्वाचा ठरणार असणार आहे.

किशमथोंग विधानसभा मतदारसंघामधून रिपाइंचे उमेदवार महेश्वर थौनॉजम निवडणूक लढवत आहेत. त्यांनी या मतदारसंघामध्ये ४०३ मतांनी आघाडी घेतली आहे. अपक्ष उमेदवार सपम निशिकांत सिंग यांना त्यांनी पिछाडीवर टाकले आहे. यामुळे या मतदार संघात रिपाइंचे महेश्वर विजयी होतात का? याकडे सर्वांचे लक्ष लागले आहे. तसेच ५ राज्यांपैकी काही राज्यामध्ये शिवसेना (Shiv Sena) आणि राष्ट्रवादीने (NCP) देखील उमेदवार दिले होते. पण शिवसेना आणि राष्ट्रवादीच्या उमेदवारांना विजय सोडा, साधी आघाडी देखील घेता आली नाही. याउलट या उमेदवारांचे डिपॉझिट जप्त करण्यात आले आहे. तर, रिपाइंने मात्र मणिपूरमध्ये आघाडी घेऊन आपलं अस्तित्व निर्माण करण्याचा प्रयत्न केला आहे.

Edited By- Digambar Jadhav