उत्तराखंड जिल्ह्यातील बापगत सरूरपूर गावात, एका पोलीस हवालदाराच्या मुलीचा संशयास्पद परिस्थितीत मृत्यू झाल्याची घटना समोर आली आहे. मात्र, डॉक्टारांनी तिचा मृत्यू ह्रदयविकाराच्या झटक्यानं झाल्याची माहिती दिली आहे. ७ वर्षीय मुलीचा मृत्यू ह्रदयविकाराच्या झटक्यानं झाल्यानं उत्तरप्रदेशातून हळहळ व्यक्त करण्यात येत आहे.

बागपत जिल्ह्यातील सरूरपूर गावात यूपी पोलिस कॉन्सटेबलच्या मुलीचा ह्रदयविकाराच्या झटक्यानं मृत्यू झाला. चिमुकलीचं नाव अपेक्षा असून, तिचं वय अवघं ७ वर्ष आहे. इयत्ता पहिलीत शिकत असलेली अपेक्षा ही दुपारी जेवणाच्या वेळी शाळेच्या मैदानात खेळत होती. मात्र, खेळत असतानाच ती चक्कर येऊन खाली पडली. तिला तातडीने खासगी रूग्णालयात नेण्यात आले. मात्र, डॉक्टरांनी तिला मृत घोषित केले.

अचानक मृत्यूचे कारण काय?

प्राथमिक तपासात खासगी डॉक्टरांनी मृ्त्यूचे कारण ह्रदयविकाराचा झटका असल्याचे सांगितलं. मात्र, शवविच्छेदन अहवाल आल्यानंतरच खरे कारण स्पष्ट होईल. पोलिसांनी मुलीचा मृतदेह ताब्यात घेऊन पोस्टमार्टमसाठी पाठवला असून, या प्रकरणाचा तपास सुरू केला आहे. कुटुंबियांनीही मुलीचा मृत्यू ह्रदयविकाराच्या झटक्यानं झालं असल्याचं म्हटलं आहे.

अपेक्षा इयत्ता पहिलीत शिकत होती. तिचे वडील बिजनौरमध्ये यूपी पोलिसात हवालदार आहेत. कौटुंबिक मतभेदांमुळे ती आपल्या आजोळात राहत होती. तसेच शिकण्यासाठी ती गावातील योगीनाथ पीठ पब्लिक स्कूलमध्ये शिकत होती. या घटनेनंतर, कुटुंबियांमध्ये शोककळा पसरली असून, दु:ख व्यक्त करण्यात येत आहे. पोलिसांनी हे प्रकरण गांभिऱ्यांने घेत तपास करत आहेत. सध्या शवविच्छेदन अहवाल आल्यानंतरच मुलीच्या मृत्यूचे खरं कारण समजेल.