वृत्तसंस्था : संपूर्ण देशात दिवाळीचा Diwali उत्साह मोठ्या थाटात असतानाच आता एक धक्कादायक बातमी समोर आली आहे. गावातील ८ जणांचा संशयास्पद मृत्यू झाला आहे. ही घटना बिहार मधील बेतिया Bihar या ठिकाणी घडली आहे. ऐन दिवाळीमध्ये घडलेल्या या घटनेने ग्रामस्थांवर दु:खाचा मोठा प्रमाणात डोंगर कोसळला आहे. ८ जणांचा संशयास्पद मृत्यू झाल्यामुळे संपूर्ण परिसरात खळबळ उडाली आहे.

हे देखील पहा-

बेतिया या ठिकाणी एकाचवेळी ८ जणांचा संशयास्पद मृत्यू झाल्याने संपूर्ण जिल्ह्यात खळबळ उडाली आहे. तसेच ग्रामस्थांमध्ये भीतीचे वातावरण निर्माण झाले आहे. विषारु दारु प्यायल्याने या ८ जणांचा मृत्यू झाल्याचा आरोप नातेवाईकांनी यावेळी केला आहे. प्राथमिक मिळालेल्या माहितीनुसार, या परिसरात मोठ्या प्रमाणात दारू विक्री होती. बेतिया या ठिकाणी काही जणांनी मोठ्या प्रमाणात दारूचे सेवन केले होते.

यानंतर अनेकांची प्रकृती बिघडू लागली आहे. आणि यातच ८ जणांचा मृत्यू झाला, तर अनेकांची प्रकृती गंभीर असल्याची माहिती समोर येत आहे. यामुळे मृतकांचा आकडा वाढण्याची भीती वर्तवली जात आहे. ही घटना नौतन पोलीस ठाण्याच्या हद्दीत दक्षिणेकडील तेलहुआ या गावात घडली आहे. मृतकांमधील सर्व जण हे वॉर्ड क्रमांक २, ३ आणि ४ मधील रहिवासी आहेत.

मिळालेल्या माहितीनुसार, बुधवारी सायंकाळी गावात या सर्वांनी दारूचे सेवन केले होते. त्यानंतर रात्री उशीरा सर्वांची तब्येत खालावण्यास सुरुवात झाली होती. यावेळी त्यांना उपचाराकरिता रुग्णालयात दाखल करण्यात आले होते. मात्र, उपचार सुरू असतानाच रुग्णालयात एक- एक करुन मृत्यू होई लागले आहेत. मृतकांची नावे समोर आली असून, त्यामध्ये बच्चा यादव, महाराज यादव, हनुमंत सिंह, मुकेश पासवान, जवाहनर सहनी, उमा साह, रमेश सहनी आणि राम प्रकाश यांचा समावेश आहे.

Edited By- Digambar Jadhav