रशियातील एका शाळेतून धक्कादायक प्रकार समोर आला आहे. एका विवाहित महिला शिक्षिकेने आपल्याच वर्गातील ११ वर्षीय विद्यार्थ्याचे लैंगिक शोषण केले आहे. शिक्षिकेने आधी विद्यार्थ्याला आपले नग्न अवस्थेतील फोटो पाठवले. नंतर त्याला स्तनांना स्पर्श आणि ओठांवर चुंबन घेण्यास भाग पाडले. पीडित मुलाच्या आई - वडिलांनी तक्रार दाखल केल्यानंतर शिक्षिकेने सर्व आरोप कबुल केले. तिला अटक करण्यात आली असून, ९ वर्षांची तुरूंगवासाची शिक्षा सुनावण्यात आली आहे.

द न्यू यॉर्क पोस्टच्या वृत्तानुसार, अॅना प्लाक्स्युक असे आरोपी शिक्षिकेचे नाव आहे. विद्यार्थी तिचे कौतुक करायचा म्हणून आरोपी त्याच्यावर भाळली. हळूहळू त्यांच्यातील संवाद वाढू लागला. तिने मुलाच्या व्हॉट्सअॅपवर तिचे नग्न अवस्थेतील फोटो शेअर केले. नंतर तिने विद्यार्थ्याला स्तनांना स्पर्श करण्यास सांगितले. तसेच चुंबन घेण्यास भाग पाडले. व्हॉट्सअॅपवरील चॅट्स पीडित मुलाच्या आईने पाहिलं. त्यांनतर तिला संताप अनावर झाला.

पीडित मुलाच्या पालकांना समजल्यानंतर त्यांनी थेट शाळा गाठली आणि शाळेच्या मुख्याध्यापकांकडे तक्रार केली. या प्रकणानंतर शिक्षिकेला यासंदर्भात विचारल्यानंतर तिने आरोप मान्य केले. तसेच विद्यार्थ्याने कौतुक केल्यामुळे आकर्षित झाल्याचे तिने सांगितलं.

या प्रकरणी पालकांनी पोलिसांकडे तक्रार दाखल केली असून, १४ वर्षांच्याखालील मुलावर लैंगिक शोषण केल्याबद्दल तिला ९ वर्षांची शिक्षा सुनावण्यात आली आहे. शिक्षिकेला अटक करण्यात आली असून, तुरूंगातून सुटल्यानंतर तिला १ वर्ष कोणत्याही शालेय संस्थेत शिकवण्याची परवानगी नसणार आहे. या घटनेमुळे पालकवर्गाला धक्का बसला असून, परिसरात खळबळ उडाली आहे.