रशिया युक्रेन संघर्षाला पुन्हा एकदा सुरुवात झालीय. युक्रेनी हल्ल्याचा डाव उधळून लावल्यानंतर आता रशियानं युक्रेनच्या 14 ठिकाणांवर 500 हून अधिक ड्रोन आणि 45 क्षेपणास्त्र डागलेत..या हल्ल्यात रशियानं युक्रेनची क्षेपणास्त्र प्रणाली भेदलीय.

रशियाच्या हल्ल्यात युक्रेनच्या जैपसोरिजिया, लुत्सक आणि डिनिप्रो या शहराचं सर्वाधिक नुकसान झाले आहे. जैपसोरिजियामध्ये 2500 घरांची वीजपुरवठा बंद झालाय. या हल्ल्यात तीन जणांचा मृत्यू झाला असून 40 हून अधिक जण जखमी झालेत...

दरम्यान युक्रेनियन सैन्यानेही रशियाच्या ताब्यातील ठिकाणांवर हल्ला केल्याचा दावा केलाय. युक्रेनियन लष्करी गुप्तचर यंत्रणेनुसार, युक्रेनने क्रास्नोडार आणि सिझरानमधील रशियाच्या ऑयल रिफाइनरीवर ड्रोन हल्ल्याची माहिती देण्यात आलीय.युक्रेनचे राष्ट्राध्यक्ष झेलेन्सकी म्हणाले की,

रशियाविरोधात केवळ निवेदनांनी काम चालणार नाही, तर बँकींग आणि ऊर्जा क्षेत्रावर कठोर निर्बंध लावावे लागतील.

रशिया युक्रेन यांच्यातील युद्ध थांबवण्यासाठी गेल्या काही महिन्यांपासून जागतिक स्तरावर प्रयत्न सुरु असताना पुन्हा रशिया युक्रेन यांच्यात युद्ध पेटल्यानं आता शांतातेच्या चर्चेंचे प्रयत्न निष्फळ ठरलेत.. आता या युद्धामुळे तिथली सर्वसामान्य जनता होरपळ असल्यानं युद्धानं अनेकांची चिंता वाढवलीय...