Russian Crude Oil: भारत लवकरच रशियाकडून स्वस्त दरात कच्चे तेल खरेदी करणार आहे. रशियाने भारताला कच्चे तेल स्वस्तात विकण्याची ऑफर दिली आहे. रशियाने सध्याच्या आंतरराष्ट्रीय बाजारातील किंमतींच्या तुलनेत प्रति बॅरल $ 35 च्या सवलतीने कच्चे तेल विकण्याची ऑफर दिली आहे. रशियाच्या या ऑफरवर मोदी सरकार सध्या (Modi Government) गांभीर्याने विचार करत आहे अशी माहिती आहे. रशियाने भारताला कच्च्या तेलाची विक्री करताना शिपिंग आणि विमा खर्चाची जबाबदारी घेण्याचीही तयारी दर्शवली आहे.

मीडिया रिपोर्ट्सनुसार, आंतरराष्ट्रीय बाजारातील दराच्या तुलनेत कच्च्या तेलाची विक्री करण्यास रशिया भारताला $35 प्रति डॉलरच्या सवलतीने देण्यास तयार आहे. पेट्रोल आणि डिझेलच्या दररोज वाढत असलेल्या किमतींनी खिसा कापत असलेल्या भारतातील ग्राहकांना याचा फायदा होणार आहे.

यापूर्वी पेट्रोलियम मंत्री हरदीप पुरी (Hardeep Singh Puri) यांनीही काही दिवसांपूर्वी संसदेत सांगितले होते की, भारत रशियाकडून सवलतीच्या दरात कच्चे तेल खरेदी करण्याचा विचार करत आहे. कच्च्या तेलाच्या वाढलेल्या दरामुळे त्रस्त झालेल्या भारताला रशियाकडून स्वस्तात कच्चे तेल खरेदी केल्यास त्याचा मोठा फायदा होणार आहे. तर सध्या, केंद्र सरकार रशियाला कच्चे तेल खरेदी करण्यासाठी कोणत्या पद्धतीने पैसे देणार किंवा याची पद्धत काय असणार आहे याचा विचार करत आहे. रुपया-रुबल प्रणाली (rupee-ruble system) हा एक पर्याय आहे, परंतु याबाबद्दल अंतिम निर्णय लवकरच घेतला जाण्याची याची अपेक्षा आहे.

हे देखील पहा-

कच्च्या तेलाच्या किमतीत घसरण;

रशिया आणि युक्रेन यांच्याततील युद्ध संपुष्टात येण्याची शक्यता आहे. यामुळे आंतरराष्ट्रीय बाजारात कच्च्या तेलाच्या किमतीत घसरण झाली आहे. कच्चे तेल 5 डॉलरच्या दररांसोबत 108 डॉलर प्रति बॅरलवर सध्या ट्रेड करत आहे.