कोलकाता : स्वातंत्र्यसेनानी नेताजी सुभाषचंद्र बोस यांची आज जयंती आहे. आणि याच दिवशी पश्चिम बंगालमधून एक निंदयनीय घटना समोर आली आहे. पश्चिम बंगालमधील भाटपाडा येथे नेताजी सुभाषचंद्र बोस यांना (Subhas Chandra Bose) अभिवादन करण्यासाठी आलेल्या भाजप (BJP) आणि टीएमसीच्या (TMC) कार्यकर्त्यांमध्ये मोठा राडा झाला असून या परिस्थितीवरती नियंत्रण मिळवण्यासाठी BJP खासदार अर्जुन सिंह (Arjun Singh) यांच्या सुरक्षा रक्षकांला हवेत गोळीबार करावा लागला आहे.

पहा व्हिडीओ -

नेताजी सुभाषचंद्र बोस यांच्या जयंतीनिमित्ताने त्यांना अभिवादन करण्यासाठी TMS आणि BJP कार्यकर्ते बैरकपूर जमले आले. यावेळी नेताजींच्या पुतळ्याला पुष्पहार अर्पण करण्यावरुन दोन्ही गटामध्ये वाद झाला. या वादाचा व्हिडीओ सध्या सोशल मीडियावर (Social Media) व्हायरल होत असून या व्हिडीओरुन या वादाची भयानकता आपणाला दिसून येत आहे. महत्वाची बाब म्हणजे हा गदारोळ सुरु असताना पोलीसही तिथेच होते.

अर्जुन सिंह दाखल होताच त्यांना टार्गेट करण्यासाठी टीएमसीच्या कार्यकर्त्यांनी दगडफेक सुरु केली असल्याचा आरोप भाजपकडून करण्याच आला आहे. दरम्यान अर्जुन सिंहंना त्यांच्या सुरक्षा रक्षकांनी हवेत गोळीबार करुन त्यांना सुरक्षितस्थळी हलवले.

Edited By - Jagdish Patil