Madhya Pradesh: मध्यप्रदेशमधून एक दुर्देवी बातमी समोर येत असून, मंदिराच्या कळसाला प्रशिक्षणार्थी विमान धडकल्याने वरिष्ठ पायलटचा जागीच मृत्यू झाला आहे. या भीषण अपघातात ट्रेनीही गंभीर जखमी झाला आहे. अपघातातील जखमींना गांधी रुग्णालयात दाखल करण्यात आले आहे. या प्रकरणाचा अधिक तपास पोलिस करत आहेत.(Madhya Pradesh)

मिळालेल्या माहितीनुसार, चोरहटा विमानतळावरून विमानाने उड्डाण घेतले होते.. मात्र, दाट धुक्यांमुळे विमान खालीच राहिलं. ते अधिक उंचावर उडू शकलं नाही. यावेळी या विमानाने आधी एका आंब्याच्या झाडाला धडक दिली. त्यानंतर हे विमान मंदिराच्या कळसाला जाऊन धडकल्यामुळे हा अपघात झाला. ही धडक एवढी भीषण होती की मंदिराचा कळस मोडून पडला, तसेच विमानाचे पातेही तुटले.

हे विमान गावातील घरांवर कोसळले असते तर मोठी जिवीतहानी झाली असती. विमान कोसळल्याच्या बातमीनंतर गावकऱ्यांनीही या ठिकाणी गर्दी केली. या प्रकरणात आता पोलिस अधिक चौकशी करत आहेत. अपघातात सीनियर पायलटचा मृत्यू झाला. उपचार सुरू असताना त्यांचा मृत्यू झाला. तसेच दोन जणांना संजय गांधी रुग्णालयात दाखल करण्यात आले आहे. यातील प्रशिक्षणार्थी पायलटची प्रकृती चिंताजनक असल्याचं सांगितलं जात आहे. (Plane Crash)