मुंबई : पुण्यातून एक मोठी बातमी समोर आली आहे. भारतीय रिझर्व्ह बॅंकेने (Reserve Bank Of India) पुण्यातील रुपी बॅंकेचा परवाना रद्द केला आहे. रुपी बॅंकेकडे पुरसे भांडवल उपलब्ध नसल्याने आरबीआयने रुपी को ऑपरेटिव्ह बॅंकेचा परवाना रद्द करण्याचा मोठा निर्णय घेतला आहे. बॅंकेच्या १९४९ च्या सेक्शन ५६ च्या कायद्यानुसार सेक्शन ११ (१) आणि सेक्शन २२ (३) (d) च्या तरतुदींचे या बॅंकेडकडून पालन केले जात नाही. त्यामुळे आरबीआयने रुपी बॅंकेचा (Rupee Co-operative Bank ) परवाना रद्द केला आहे. २०१७ च्या हायकोर्टाच्या आदेशानुसार आरबीआयचा हा निर्णय घेतला आहे.दरम्यान, सहा आठवड्यांत बॅंकेचे व्यवहार बंद होणार आहेत. दिर्घ काळापासून ठेवीदारांचे पैसै बॅंकेत अडकल्याने नागरिकांनी बॅंकेविरोधात लढा दिला होता.