सध्या ओला- उबर आणि रॅपिडोने प्रवास करण्याचे प्रमाण दिवसेंदिवस वाढत आहे. गर्दीच्या वेळी वाहतूक कोंडीतून लवकरात लवकर पोहचावे यासाठी रॅपिडोचा वापर करतात. रॅपिडोमुळे बाईकवरुन आपण जलद आपल्याला हव्या त्या ठिकाणी पोहचू शकतो. यासाठी एक अॅप आहे. या अॅपवर आपण रॅपिडो बुक केली की ड्रायव्हर आपल्याला बाईकवरुन सोडतात. दरम्यान, नुकताच सोशल मीडियावर एका रॅपिडो ड्रायव्हरचा व्हिडिओ व्हायरल होत आहे. हा रॅपिडोचालक महिलेला चुकीच्या पद्धतीने स्पर्श करताना दिसत आहे.

बंगळुरुमध्ये ही घटना घडली आहे. एका मुलीने सोशल मीडियावर रॅपिडोचालकाचा व्हिडिओ शेअर केला आहे. त्यात तो तिला चुकीच्या पद्धतीने स्पर्श करताना दिसत आहे. या घटनेमुळे त्या मुलीच्या मनावर खूप वाईट परिणाम झाला आहे. तिने सोशल मीडियावर पोस्ट करत याबाबत संपूर्ण माहिती दिली आहे.

रॅपिडोचालकाचं विचित्र कृत्य

महिलेने आपल्या पोस्टमध्ये लिहलंय की, ६ नोव्हेंबर रोजी मी बंगळुरुमध्ये चर्च स्ट्रीट येथू माझ्या पीजीला जाण्यासाठी मी रॅपिडो बुक केली. यावेळी मी ड्रायव्हरच्या मागे बसली होती. तर या चालकाने माझ्या पायाला पकडण्याचा प्रयत्न केला. हे सर्व काही सेकंदात घडलं की, मला काय करावं हे कळलंच नाही. त्यानंतरही त्याने पुन्हा तसंच केलं.

रॅपिडो चालकाने सतत या महिलेच्या पायाला हात लावण्याचा प्रयत्न केला. यावेळी ती त्याला म्हणाली की,काय करतोय?,असं नको करुस, पण एवढं बोलूनदेखील तो थांबला नाही. तो माझा पायाचा तसाच स्पर्श करत होता. मी शहरात नवीन होती म्हणून मी बाईक थांबवायलादेखील सांगू शकत नाही.

यानंतर जेव्हा मी माझ्या पीजीजवळ पोहचली तेव्हा माझं अंग पुर्णपणे थरथरत होतं, मी रडली. तिथे उभ्या असलेल्या एका माणसाने मला काय झालं असं विचारलं. त्यावेळी मी त्याला घडलेला सर्व प्रकार सांगितला. त्यानंतर ते रॅपिडो ड्रायव्हरला ओरडले. त्याने माझी माफी मागितली. परंतु निघून जाताना त्याने माझ्याकडे बघून पुन्हा विचित्र हातवारे केले. यामुळे मी अजूनचं घाबरली, असं तिने सांगितलं.

सोशल मीडियावर हा व्हिडिओ प्रचंड व्हायरल होत आहे. महिलेसोबत झालेल्या या घटनेमुळे त्यांच्या सुरक्षिततेचा प्रश्न निर्माण झाला आहे. मिडिया रिपोर्टनुसार, बंगळुरु पोलिस या संपूर्ण घटनेची चौकशी करत आहेत.