खासदार सुधा मूर्ती यांना अज्ञात व्यक्तीने धमकी दिली.
दूरसंचार विभागाचा अधिकारी असल्याचा दावा करून धमकी दिली गेली.
मोबाईल नंबरवरून अश्लील व्हिडिओ प्रसारित होईल असं सांगण्यात आलं.
राज्यसभा खासदार आणि सामाजिक कार्यकर्त्या सुधा मूर्ती यांना सायबर गु्न्हेगारांनी टार्गेट केलंय. एका अज्ञात व्यक्तीने त्यांना फोन केला. आपण दूरसंचार विभागाचा कर्मचारी असल्याचं सांगितलं. सुधा मूर्ती यांच्या मोबाईल नंबरवरून अश्लील व्हिडिओ ऑनलाइन प्रसारित होत असल्याची धमकी दिली.
ही घटना ५ सप्टेंबर रोजी घडली होती. जेव्हा सुधा मूर्ती यांना त्यांच्या मोबाईलवर एक कॉल आला. कॉल करणाऱ्याने स्वतःची ओळख दूरसंचार विभागातील अधिकारी म्हणून करून दिली, त्यामुळे सायबर स्कॅम होईल अशी शंका सुधा मूर्तींना आली नाही. त्याने मूर्ती यांना सांगितले की त्यांचा मोबाईल नंबर आधारशी लिंक केलेला नाहीये आणि त्याचा गैरवापर होतोय. हे ऐकताच मूर्ती यांनी ताबडतोब पोलिसांमध्ये तक्रार दाखल केली. ट्रूकॉलर अॅपवर कॉलरचा नंबर "दूरसंचार विभाग" म्हणून देखील दिसला, ज्यामुळे प्रकरणाची गंभीरता वाढली.
या कॉल्समध्ये, फसवणूक करणारे सरकारी अधिकारी असल्याचे भासवतात आणि लोकांकडून वैयक्तिक माहिती काढण्याचा प्रयत्न करतात. हा एक सामान्य सायबर घोटाळा आहे जो अनेकदा सामान्य लोकांना आपला शिकार बनवत असतात.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.