नवी दिल्ली: काँग्रेस (Congress) पक्षाचा पुढील अध्यक्ष कोण होणार हा प्रश्न अजूनही कायम आहे. नव्या अध्यक्षांची निवड १७ ऑक्टोबरला होणार असून १९ ऑक्टोबरला मतमोजणी होणार असल्याचे पक्षाने जाहीर केले आहे. दरम्यान, काँग्रेसचे ज्येष्ठ नेते शशी थरूर काँग्रेस अध्यक्षपदासाठी निवडणूक लढवणार असल्याचे बोलले जात आहे. २०२० मध्ये काँग्रेस अध्यक्षा सोनिया गांधी यांना पत्र लिहून संघटनात्मक सुधारणांची मागणी करणाऱ्या २३ नेत्यांत शशी थरूर यांचाही समावेश होता.

शशी थरूर यांनी अद्याप काँग्रेस (Congress) अध्यक्षपदासाठी निवडणूक लढवण्याबाबत अंतिम निर्णय घेतलेला नाही. शशी थरूर यांनी अद्याप निर्णय घेतलेला नाही, मात्र ते लवकरच याबाबत निर्णय घेऊ शकतात. शशी थरूर यांनी मात्र या निवडणुकीत सहभागी होणार की नाही यावर भाष्य करण्यास नकार दिला, आहे.

शशी थरूर यांनी एका वृत्तपत्रात लेख लिहिला आहे. यामध्ये त्यांनी 'मुक्त आणि निष्पक्ष' निवडणुकांचे आवाहन केले आहे. या लेखात त्यांनी म्हटले आहे की, पक्षाने काँग्रेस कार्यकारिणीच्या जागांसाठीही निवडणुका जाहीर केल्या पाहिजेत.

'एआयसीसी आणि पीसीसी प्रतिनिधींकडून घेतलेल्या या महत्त्वाच्या पदांवर पक्षाचे नेतृत्व कोण करणार हे पक्षाच्या सदस्यांना ठरवण्याची मुभा देणे, यामुळे येणाऱ्या नेत्यांच्या गटाला वैध ठरवण्यास आणि पक्षाचे नेतृत्व करण्यास मदत होईल. विश्वासार्ह आदेश आहे, असंही शशी थरुर यांनी म्हटले आहे.

नव्या अध्यक्षांची काँग्रेसला(Congress) नितांत गरज आहे, निवडणुकीसाठी अनेक उमेदवार पुढे येतील अशी माझी अपेक्षा आहे. पक्षासाठी आणि देशासाठी आपले विचार मांडल्यास जनहित नक्कीच जागृत होईल, असंही थरुर यांनी म्हटले आहे.