लोकसभेतील विरोधी पक्षनेते आणि खासदार राहुल गांधी शनिवारी पंतप्रधान नरेंद्र मोदींच्या बालेकिल्ल्याचा दौरा करणार आहेत. गुजरातला भेटीवरुन राहुल गांधींनी थेट मोदींना आव्हान दिलंय. या विधानसभा निवडणुकीत काँग्रेस भाजपचा पराभव करेल. असं आव्हान विरोधी पक्षनेते राहुल गांधींनी संसदेच्या अधिवेशनादरम्यान दिलं होतं.

राहुल गांधींच्या या आव्हानामुळे गुजरात दौरा अत्यंत महत्त्वाचा मानला जातोय. कारण संसदेत हिंदू धर्मावर वक्तव्य केल्यानंतर गुजरात राज्यातील काँग्रेसच्या कार्यालयावर भाजप कार्यकर्त्यांनी हल्लाबोल केला होता. त्याचदरम्यान राहुल गांधी काँग्रेस कार्यकर्त्यांची भेट घेत तेथील पुढील रणनीती ठरवणार असल्याची शक्यता वर्तलवली जात आहे.

गुजरात काँग्रेसचे अध्यक्ष शक्तीसिंह गोहिल यांनी याबाबत प्रतिक्रिया देताना म्हणाले, त्यांनी राहुल गांधींशी चर्चा केलीय. त्यांनी राहुल गांधींना अहमदाबादला येण्यास सांगितले जेणेकरून ते स्थानिक नेत्यांना भेटू शकतील. त्यांना पाठिंबा देऊ शकतील. ज्या काँग्रेस नेत्यांनी भाजपच्या गुंडांचा धैर्याने सामना केला त्यांची राहुल गांधी भेट घेतील. दरम्यान गोहिल यांनी तारखे बाबत कोणतीच माहिती दिली नाही.

भगवान जगन्नाथ रथयात्रेच्या पूर्वसंध्येला गांधी शनिवारी अहमदाबादला पोहोचतील असं गोहिल म्हणालेत. गोहिल यांनी सांगितलं की, काँग्रेस नेत्यांच्या तक्रारीच्या आधारे पोलीस गुन्हे नोंदवत नाहीत. त्यामुळे शक्तीसिंग गोहिल यांनी राहुल गांधींना गुजरातला भेट देण्याचे आवाहन केलंय.

दरम्यान २ जुलै रोजी संसदेत राहुल गांधी यांनी हिंदू धर्मांवर केलेल्या विधानावरुन गुजरातमधये काँग्रेस आणि भाजप कार्यकर्त्यांमध्ये हाणामारी झाली होती. “जे स्वतःला हिंदू म्हणवतात, ते फक्त हिंसाचारावर बोलतात, असं राहुल गांधी भाजप आणि आरएसएसवर टीका करताना म्हणाले होते. भाजपने राहुल गांधींवर हिंदूंना हिंसक संबोधल्याचा आरोप केला.