नवी दिल्ली: देशात कोरोनाच्या तिसऱ्या लाटेची शक्यता वर्तवली जात आहे, मात्र तरीही देशाच मोठ्या प्रमाणात नागरिकांचे लसीकरण झालेले नाही. ओमिक्रॉनच्या पार्श्वभूमीवर अपुऱ्या लसीकरणामुळे (Vaccination) भारतात कोरोना रुग्णसंख्या पुन्हा वाढू लागली आहे. याच मुद्द्यावरुन कॉंग्रेस नेते राहुल गांधी (Rahul Gandhi) यांनी मोदी सरकारवर टीका केली आहे. (Vaccination In India: Rahul Gandhi Criticizes Modi Government For Inadequate Vaccination)

हे देखील पहा

राहुल गांधींनी मोदी सरकारचा (Modi Government) जुमला पुन्हा एकदा कामातून गेला अशी टीका केली आहे. आपल्या ट्विटमध्ये राहुल गांधी म्हणाले की, "२०२१ च्या वर्षाअखेरीस सर्वांना लसीचे दोन डोस देऊ" असं आश्वासन मोदी सरकारने दिलं होतं. आज वर्षातला शेवटचा दिवस आहे आणि अजूनही देश संपुर्ण लसीकरणापासून दूर आहे. मोदी सरकारचं आणखी एक आश्वासन फोल ठरलं" असं ते म्हणाले आहेत.

देशातील लसीकरणाची स्थिती:

एकूण लसीकरण : 1,44,54,16,714

सक्रिय (0.26%) 91361

मृत्यू (1.38%) 481080

डिस्चार्ज (98.36%) 34266363

Edited By - Akshay Baisane