Santokh Singh Chaudhary Passed Away : पंजाब काँग्रेसचे ज्येष्ठ नेते आणि खासदार संतोख सिंग चौधरी यांचे निधन झाले आहे. चौधरी हे शनिवारी भारत जोडो यात्रेत सहभागी झाले होते. यात्रेत चालत असताना अचानक ते खाली कोसळले. त्यांना तात्काळ रुग्णालयात दाखल करण्यात आले. तिथे त्यांना मृत घोषित केले.

चौधरी यांचे निधन हृदयविकाराच्या झटक्याने झाल्याचे सांगण्यात येत आहे. चौधरी यांच्या निधनानंतर भारत जोडो यात्रा स्थगित केली आहे. काँग्रेसचे (Congress) माजी अध्यक्ष राहुल गांधी (Rahul Gandhi) यांच्यासह अनेक ज्येष्ठ नेते रुग्णालयात पोहोचले आहेत.

संतोख सिंग चौधरी यांच्या निधनाने पंजाबसह देशभरात हळहळ व्यक्त करण्यात येत असून अनेक नेत्यांनी त्यांना श्रद्धांजली अर्पण केली आहे. राहुल गांधीसोबत पदयात्रेत चालत असताना संतोख सिंह यांना ह्रदयविकाचा झटका आला. त्यानंतर त्यांना तातडीनं रुग्णालयात दाखल करण्यात आले. परंतु उपचारादरम्यान त्यांचा मृत्यू झाला.

राहुल गांधींनी भारत जोडो यात्रा काही वेळासाठी थांबवण्याचा निर्णय घेतला आहे.  फिल्लौरच्या भटियानमधील प्रभज्योतसिंग यांच्या घराबाहेर ही यात्रा सद्या थांबविण्यात आली असून राहुल गांधी चौधरी संतोख सिंह यांच्या अंत्यसंस्कारासाठी जाणार असल्याची माहिती समोर येत आहे. संतोख सिंह हे ७६ वर्षांचे होते, त्यांच्या निधनामुळं अनेक पक्षाच्या नेत्यांनी शोक व्यक्त केला आहे.